ސޫދާނުގައި ހަނގުރާމަ ކުރަމުންދާ ޖަމާއަތްތަކުން ސައުދީ އަރަބިއްޔާގެ ޖިއްދާގައި، ވާހަކަ ދެއްކުމަށްފަހު ހަތް ދުވަހަށް ހަނގުރާމަ ހުއްޓާލަން އެއްބަސްވެއްޖެއެވެ.
އެމެރިކާ އާއި ސައުދީން ވަނީ މަޝްވަރާތަކަށް އެހީތެރިކަން ފޯރުކޮށްދީ ހަނގުރާމަ ހުއްޓާލުމުގެ އެއްބަސްވުން އިއުލާނުކޮށްފައެވެ.
އެމެރިކާ އާއި ސައޫދީގެ އިތުރުން އެހެނިހެން ގައުމުތަކުން ވެސް ހަނގުރާމަ ހުއްޓާލުމާ އެއްގޮތަށް އަމަލު ކުރާކަން ކަށަވަރު ކުރާނެއެވެ. ހަނގުރާމަ ހުއްޓާލުމުގެ ކަންކަން ބެލުމާއި ކޮންޓްރޯލް ކުރުމުގެ ވިސްނުމެއް އެ ގައުމުތަކުގެ އަތް ދަށުގައި އޮންނާނެ ކަމަށާއި، ނަމަވެސް އޭގެ ތަފްސީލެއް ނުދެއެވެ.
ރައްޔިތުންނަށް އެހީތެރިކަން ފޯރުކޮށްދީ މުހިންމު ހިދުމަތްތައް ހަމަޖައްސާނެ ކަމަށް ވެސް އެއްބަސްވުމުގައި ބުނެފައިވެއެވެ.
އޭޕްރީލް މަހުގެ 15 ވަނަ ދުވަހު ހަނގުރާމަ ފެށި ފަހުން އެތައް ބަޔަކު ވަނީ މަރުވެފައެވެ. އަދި މިލިއަނަކަށްވުރެ ގިނަ މީހުން ގެދޮރު ދޫކޮށް އެހެން ގައުމުތަކަށް ދާން ޖެހުނެވެ.
ދާދި ފަހުން ދާރްފޫރު ސަރަހައްދުގައި، ނަޔާލާ އާއި ޒަލެންޖެއީ ފަދަ ސިޓީތަކުގައި ވަނީ އިތުރު ކުރިމަތިލުންތަކެއް ހިނގާފައެވެ.
ހަރްތޫމްގައި ހަނގުރާމަ ފެށުނީ 1989 ވަނަ އަހަރު ބަގާވާތެއް ހިންގުމަށްފަހު އެގައުމުގެ ލީޑަރަކަށް އަމިއްލަފުޅަށް ހަމަޖެއްސެވި ކުރީގެ ރައީސް އުމަރު އަލް ބަޝީރުގެ ވެރިކަމުގައި އެތައް ޒަމާނެއް ވަންދެން ހިނގަމުންދާ ހަމަނުޖެހުންތަކާ ގުޅިގެން ސޫދާން ޑިމޮކްރަސީއަށް ބަދަލުކުރުމަށް ބައިނަލްއަގްވާމީ ގޮތުން ތާއީދު ކުރާ އެއްބަސްވުމެއްގެ ދަށުން އާރްއެސްއެފް އަސްކަރިއްޔާގެ ތެރެއަށް ވެއްދުމަށް ރާވާފައިވާ ގޮތާ މެދު އުފެދުނު ހިޔާލު ތަފާތުވުންތަކަކާ ގުޅިގެންނެވެ.
