އިދކޮޅު މެންބަރުންގެ ހަޅޭކުގެ އަޑާ ހެދި ރައްޔިތުންގެ މަޖިލީހުގެ ޖަލްސާ ކުރިއަށް ނުގެންދެވި މިއަދުގެ ޖަލްސާ ނިންމާލައިފިއެވެ.
މަޖިލީހުގެ ޖަލްސާ ކުރިއަށް ގެންދަން މެމްބަރުންގެ މަޝްވަރާ އަށް ފަހު ވެސް ރިޔާސަތުން މަސައްކަތް ކުރުމުން ވެސް ވަނީ ޖަލްސާ ކުރިއަށް ގެންދެވޭ ގޮތް ނުވެފައެވެ.
މެމްބަރުންގެ މަޝްވަރާ އަށް ޖަލްސާމެދު ކަނޑާލުމަށް ފަހު މިއަދު ކުރިއަށް ދިޔަ ރައްޔިތުންގެ މަޖިލީހުގެ ޖަލްސާގައި އިދިކޮޅު ޕީޕީއެމް އާއި ދަ ޑިމޮކްރެޓްސް އަަށް ނިސްބަތްވާ މެމްބަރުން ރައީސް ސޯލިހަށް ނިސްބަތް ކޮށް "ޗޯރު އިބުރޭ" އަށް ގޮވާ އަޑުގަދަކޮށް މަޖިލީހުގެ ނިޒާމް ވަނީ ގެއްލުވާލާފައެެވެ.
އިދިކޮޅު މެމްބަރުން ވިދާޅުވަނީ މަޖިލީސް ނިންމާލާފައި ވަނީ ރިޔާސަތުގައި އިންނެވި ވިލުފުށި ދާއިރާގެ މެމްބަރު ހަސަން އަފީފް އަށް އައި ފޯނު ކޯލަކާ ގުޅިގެން ކަމަށެވެ.
އެހެން ކަމުން އިދިކޮޅު މެމްބަރުން ވަނީ އެ އައި ފޯނު ކޯލަކީ ކޮން ބޭފުޅެއްގެ ކޯލެއްތޯ ސުވާލު އުފައްދާފައެވެ.