އެމެރިކާގެ ވޮޝިޓަންގައި ގާއިމް ކުރާ ދިވެހި ރާއްޖޭގެ އެމްބަސީ ހުޅުވުމަށް ފޮރިން މިނިސްޓަރު އަބްދުﷲ ޝާހިދު، އެމެރިކާއަށް ވަޑައިގަންނަވައިފި އެވެ.
އެއަރޕޯޓުން މިނިސްޓަރ ޝާހިދުއަށް މަރުހަބާ ދެންނެވީ، ރާއްޖެއިން އެމެރިކާއަށް ކަނޑައަޅުއްވާފައިވާ ހުންނަވާ ސަފީރު ޢަބްދުލްއަފޫރު މުހައްމަދުއެވެ.
އެމްބަސީ ހުޅުވުމަށްޓަކައި މިވަގުތު ވޮޝިންޓަނުގައި ހުންނަވާ ކުރެއްވި ޓުވީޓެއްގައި މިނިސްޓަރު ޝާހިދު ވިދާޅުވީ އެމެރިކާގައި ގާއިމް ކުރާ ދިވެހި ފުރަތަމަ އެމްބަސީ ހުޅުވުމަށް ވޮޝިންޓަނަށް ވަޑައިގެންނެވުނަކީ ލިބިވަޑައިގެންނެވި އުފަލެއް ކަމަށެވެ.
"މި ދަތުރަކީ ދެގައުމުގެ ދެމެދުގައި އޮތް އެކުވެރިކަން އިތުރަށް ބަދަހިކޮށް، ދެގައުމުގެ މަސްލަހަތު ހިމެނޭ މުހިންމު ކަންކަމާ ބެހޭ ގޮތުން މަޝްވަރާ ކުރުމަށް ލިބޭ ފުރުސަތެެއް. އުފެއްދުންތެރި ދަތުރަކަށް ވާނެ ކަމަށް އިންތިޒާރު ކުރަން،" ޝާހިދު ވިދާޅުވި އެވެ.
Delighted to be in Washington, D.C. to open the Embassy of #Maldives @MDVinUSA and to meet with @SecBlinken and other officials. This visit is an opportunity to further strengthen the friendship between our two countries and discuss key issues of mutual interest. Looking forward… pic.twitter.com/TcHcJx6yDC
— Abdulla Shahid (@abdulla_shahid) June 14, 2023
އެމެރިކާ އާއި ރާއްޖެ އާ ދެމެދުގެ ހާރިޖީ މުއާމަލާތްތައް މީގެ ކުރިން ކުރަނީ ސްރީލަންކާގައި ހުންނަ އެމެރިކާ އެމްބަސީ މެދުވެރިކޮށެވެ.
އަދި އެމެރިކާގައި ރާއްޖެ ތަމްސީލުކުރަނީ އދ.ގައި ހުންނަ ރާއްޖޭގެ މިޝަން މެދުވެރިކޮށެވެ.
ރާއްޖެއާއި އެމެރިކާގައި އެމްބަސީ ޤާއިމްކުރުމަށް ނިންމަވާފައިވަނީ އެމެރިކާގެ އޭރުގެ ސެކްރެޓަރީ އޮފް ސްޓޭޓް މައިކް ޕޮމްޕެއޯ 2020 ވަނަ އަހަރުގެ ސެޕްޓެމްބަރު މަހުގެ ތެރޭގައި ރާއްޖެއަށް ކުރެއްވި ދަތުރުފުޅުގެ ތެރެއިންނެވެ. ރާއްޖޭގައި އެމެރިކާ އެމްބަސީ އެއް ގާއިމް ކޯށްފައިވާ އިރު އެތަން ހުންނަނީ ހުޅުމާލޭގައި މިއަހަރު ހުޅުވި އުމަރުޒާހިރު އޮފީސް އިމާރާތުގައެވެ. އެމެރިކާގައި ހުންނަ ދިވެހި އެމްބަސީ ގާއިމްކުރާނެކަން ސަރުކާރުން އިއުލާން ކުރީ މިދިޔަ ސެޕްޓެމްބަރު މަހުއެވެ. ދެގައުމު ދެމެދުގެ ހާރިޖީ ސިޔާސީ ގުޅުން ގާއިމްކުރައްވާފައިވަނީ 1966 ވަނަ އަހަރުއެވެ.
