ގއ. ގެމަނަފުށި މަގުތަކުގައި ތާރު އެޅުމުގެ މަސައްކަތް ސަރުކާރުން ބަޔަކާ ހަވާލުކޮށްފިއެވެ.
މި މަސައްކަތް ޕްލޭނިން މިނިސްޓްރީން މިއަދު ހަވާލުކުރީ ރޯޑް ޑިވެލޮޕްމަންޓް ކޯރޕަރޭޝަން ކިޔާ ކުންފުންޏަކާއެވެ.
އެ މަސައްކަތުގެ އެއްބަސްވުުގައި ޕްލޭނިން މިނިސްޓްރީގެ ފަރާތުން ސޮއި ކުރެއްވީ، އެ މިނިސްޓްރީގެ ޕާމިނެންޓް ސެކެއްޓްރީ ޒީނިޔާ އަހުމަދުއެވެ.
މި އެއްބަސް ވުމުގައި ސޮއި ކުރީ އެކަމަށްޓަކައި ޕްލޭނިން މިނިސްޓްރީގައި ބޭއްވި ރަސްމިއްޔާތެއްގައެވެ. މި ރަސްމިއްޔާތުގައި ގެމަނަފުށި ދާއިރާގެ މަޖިލިސް މެންބަރު އަހުމަދު ސައީދު ވެސް ބައިވެރިވެވަޑައިގެންނެވިއެވެ.
ޕްލޭނިން މިނިސްޓްރީން މި މަސައްކަތް އެ ކޯޕަރޭޝަންއާއި ހަވާލު ކޮށްފައިވަނީ 76 މިލިއަން ރުފިޔާގެ އަގަށް 540 ދުވަހުގެ ތެރޭ ނިންމާ ގޮތަށް ކަނޑައަޅާފައެވެ.
ގއ.ގެމަނަފުށި މަގުތަކުގައި ތާރު އެޅުމުގެ މަޝްރޫޢު ރޯޑް ޑިވެލޮޕްމަންޓް ކޯރޕަރޭޝަން އާ ހަވާލުކޮށްފިއެވެ.
76،166،435.47 ރުފިޔާއަށް މި މަސައްކަތް ހަވާލުކޮށްފައިވަނީ 540 ދުވަހުގެ ތެރޭ ނިންމުމަށެވެ. pic.twitter.com/1lhWdfTIm9
— Min.of National Planning, Housing & Infrastructure (@MoNPHImv) June 22, 2023
ރާއްޖޭގެ ރަށްރަށުގެ މަގުތަކަށް ދިމާވެފައި ވާ މައްސަލަތަށް ހައްލު ކުރުމަށް ސަރުކާރުން ދަނީ ގިނަ މަސައްކަތް ކުރަމުން ނެވެ.
