ވެލާނާ އިންޓަނޭޝަނަލް އެއާޕޯޓް (ވީއައިއޭ) އިން ފުރާ މީހުން ތިން ގަޑިއިރު ކުރިން އެ އެއާޕޯޓަށް ދާން މޯލްޑިވްސް އެއާޕޯޓް ކޮމްޕެނީ ލިމިޓެޑް (އެމްއޭސީއެލް) އިން އިލްތިމާސްކޮށްފި އެވެ.
އެމްއޭސީއެލް އިން ކުރި ޓްވީޓެއްގައި ބުނެފައިވަނީ، އެގޮތަށް އިލްތިމާސް ކޮށްފައިވަނީ ބޮޑު ޗުއްޓީއާއި ދިމާކޮށް ރާއްޖޭން ބޭރަށާއި އަތޮޅުތެރެއަށް ފުރާ މީހުންނާ އެކީ އެއާޕޯޓަށް ބާރު ބޮޑުވާމީހުންގެ ކިއު ދިގުވުމުގެ ސަބަބުން ފްލައިޓްތައް ޑިލޭވުމުގެ ފުރުސަތު ބޮޑުވާނެތީ ކަމަށެވެ.
އެހެން ކަމުން ފުރާ މީހުން ފުރުމުގެ ތިން ގަޑިއިރު ކުރިން އެއާޕޯޓަށް ދާން އެ ކުންފުނިން ވަނީ އިލްތިމާސްކޮށްފައެވެ.
During the holiday season, we urge all travelers to arrive @VelanaAirport 3 hours before departure to avoid long lines and possible delays. Also, for seamless operation, we recommend that all travelers complete the IMUGA form prior to check-in. Wish you a joyful holiday season! pic.twitter.com/PL3orWsqRo
— Maldives Airports Company Ltd – MACL (@MACLmedia) June 23, 2023
މީގެ އިތުރުން އެ ކުންފުނިން ވަނީ، ހުރިހާ ފަސިންޖަރުން ވެސް "އިމުގާ ފޯމް" ކުރީ ބަައިގައި ފުރިހަމަކުރުމަށާއި އޮޕަރޭޝަން ފަސޭހަކުރުމަށް ފަސިންޖަރުންގެ އެއްބާރުލުން ދިނުމަށް ވެސް އެދިފައިވެ އެވެ.
