ހެންވޭރު ގެއެއްގައި ހަބަރު ހުސްވެފައި މީހަކު އޮތް ކަމުގެ ރިޕޯޓް މިއަދު 13:20 ހާއިރު، ލިބިގެން، ފުލުން ގޮސް އެމީހާ ހޮސްޕިޓަލަށް ގެންގޮސްފައި ވާ ކަމަށް ފުލުހުން ބުނެފި އެެވެ.
ފުލުހުން ބުނީ އެމީހާ ނިޔާވެފައިވާ ކަމަށް އޭޑީކޭ ހޮސްޕިޓަލުން ބުނެފައިވާކަމަށެވެ. އެއީ 43 އަހަރުގެ ދިވެހި ފިރިހެނެކެވެ.
މަންޒަރުދުށް ބައެއް މީހުން ބުނިގޮތުގައި އެމީހާ އޮތް، ހ. ހާލަޅަމާގެއަށް ފުލުހުން ވަދެފައިވަނީ ގޭގެ ދޮރު ފަޅާލައިގެން ނެވެ.
މަންޒަރު ދުއް ބައެއް މީހުންނާ ހަވާލާދީ ބައެއް މީޑިއާތަކުން ރިޕޯޓްކޮށްފައިވާގޮތުގައި، ނިޔާވި މީހާ އަކީ، ލަންކާގައި މަރާލި، ހ. ހަންޑްރެޑް ފްލާވާ ހުސެން ރަޒީން (ރަބަރޭ) ގެ ބޭބެ އެކެެވެ.
އޭނާ ފުލުހުންގެ ވެހިކަލަކަށް ލައިގެން ހޮސްޕިޓަލަށް ގެންގޮސްފައިވަނީ މިއަދު 13:30 ހާއިރު އެވެ.
އެމައްސަލަ އާ ގުޅިގެން ބަލަންޖެހޭ ކަންކަން ބަލަމުންދާ ކަމުގައި ފުލުހުން ބުންޏެވެ.
