މިއަހަރު އޮންނަ ރިޔާސީ އިންތިހާބުގައި އެމްޑީޕީއާއެކު ކޯލިޝަން ހެދުމަށް، އެ ޕާޓީގެ ރައީސް، ރައީސުލް ޖުމްހޫރިއްޔާ އިބްރާހިމް މުހައްމަދު ސޯލިހު، ކުރީގެ ރައީސް މައުމޫން އަބްދުލްގައްޔޫމުގެ އެމްއާރުއެމް އަށް ދެއްވި ދައުވަތު ގަބޫލުނުކުރަން، އެމްއާރްއެމް އިން ނިންމައިފި އެވެ.
އެމްއާރުއެމުން މިއަދު ނެރުނު ބަޔާނެއްގައި ބުނީ ނިމިދިޔަ މޭ މަހުގެ ފުރަތަމަ ދުވަހުގެ ރޭ އެ ޕާޓީން އެމްޑީޕީގެ އިސްވެރިންނާއެކު ބޭއްވި ބައްދަލުވުމުގައި ހުށަހެޅި ކަންކަން އެ ޕާޓީގެ އެކްސްކޯގައި މަޝްވަރާކުރުމަށްފަހު އެމްޑީޕީއާއެކު ކޯލިޝަން ނުހަދަން ނިންމާފައިވާ ކަމަށެވެ.
"މި ޕާޓީގެ އެގްޒެކެޓިވް ކޮމިޓީގެ މި އަހަރުގެ 10 ވަނަ ބައްދަލުވުމުގައި ނިންމާފައިވަނީ ކުރިއަށް އޮތް ރިޔާސީ އިންތިހާބުގެ ފުރަތަމަ ބުރުގައި އެމްޑީޕީއާއެކު މަސައްކަތް ކުރަން ނުފެންނަ ކަމަށް" އެމްއާރުއެމްގެ ބަޔާނުގައި ބުންޏެވެ.
ކުރިއަށް އޮތް ރިޔާސީ އިންތިޚާބުގައި މޯލްޑިވިއަން ޑިމޮކްރެޓިކް ޕާޓީ (އެމް.ޑީ.ޕީ) އާއެކު މަސައްކަތް ކުރުމަށް ދެއްވި ދަޢުވަތާ ގުޅޭގޮތުން ނެރޭ ނޫސްބަޔާން pic.twitter.com/wR4SOhj6XG
— Maldives Reform Movement (@MRM_Office) July 27, 2023
އެމްއާރްއެމް އިން ބުނީ ފުރަތަމަ ބުރުގައި އެމްޑީޕީއާ އެކު ކޯލިޝަން ނު ހެދުމަށް އެ ޕާޓީން ނިންމީ އެމްޑީޕީއިން ހުށަހެޅި ބައެއް ސިޔާސަތު ތަކަށް އެޕާޓީން އެއްބަސް ނުވާތީ ކަމަށެވެ.
އެމްއާރްއެމް އިން މިގޮތަށް ނިންމި އިރު ސިޔާސީ ޕާޓިތަކަށް ގާނޫނުން ބުނާ އަދަދަށް މެމްބަރުން ހަމަނުވެގެން އިލެކްޝަންސް ކޮމިޝަނުން އެ ޕާޓީ އުވާލަން ނިންމި ނިންމުން މިހާރު އޮތީ ކޯޓުގަ އެވެ.
ކިޔުންތެރިންގެ ޚިޔާލުތައް
މިނިސްޓަރު ކަމެއް ނުލިބިދާނެކަމުގެ ބިރަށް.. ތިޔައީ ޝަރުތުވެސް ހަމަނުވާ، ޕާޓީއެއްގެ ހައިސިއްޔަތު ވެސް ނެތް ޕާޓީއެއް.