ކަނޑުމަތިން ދިވެހި ފިރިހެނަކު މަރުވެފައި އޮއްވާ ފެނިއްޖެ އެވެ.
ފުލުހުން ބުނީ ވެލައްސަރު ރިސޯޓް ކައިރިން ކަނޑުމަތިން މަރުވެފައި އޮތް މީހަކު ފެނިފައިވާ ކަމަށް މިއަދު ހެނދުނު 9:11 ހާއިރު ފުލުހުންނަށް ރިޕޯޓްކޮށްފައިވާ ކަމަށެވެ.
އަދި އެމީހާއަކީ ކ. އަތޮޅުގެ ރިސޯޓެއްގައި މަސައްކަތްކުރާ 35 އަހަރުގެ ދިވެހި ފިރިހެނެއް ކަމަށް ވެސް މިހާތަނަށް ބެލި ބެލުމުގައި ފުލުހުންނަށް އެނގިފައިވާ ކަމަށް ބުނެފައިވެއެވެ.
ފުލުހުން އަންނަނީ މި މިއްސަލަ އިތުރަށް ތަހުގީގު ކުރަމުންނެވެ.
