ރައީސް ޑރ. މުހައްމަދު މުއިއްޒު މިއަދު އައްޑޫ ސިޓީ އަށް ވަޑައިގަތުމަށް ހަމަޖެހިއްޖެ އެވެ.
އެނގިފައިވާ ގޮތުގައި ރައީސްގެ މި ދަތުރުފުޅަކީ ހަރަތުދުވަހު ދިގު ދަތުރުފުޅެކެވެ. މިއީ ވެރިކަމާ ހަވާލުވެވަޑައިގެންނެވުމަށް ފަހު ރައީސް އައްޑު އަށް ކުރައްވާ ފުރަތަމަ ދަތުރުފުޅެވެ.
މި ދަތުރުފުޅުގެ ތެރެއިން މިރޭ ހިތަދޫ ރައްޔިތުންނާ ބައްދަލުކުރައްވާ ހާއްސަ ޖަލްސާއެއް ބޭއްވުމަށް ވަނީ ހަމަޖެހިފަ އެވެ. މި ޖަލްސާގެ ތެރެއިން އައްޑޫ ސިޓީ ހިތަދޫ އާއި ހުޅުމީދޫ ދެމެދު އެޅުމަށް ހަމަޖެހިފައިވާ ބްރިޖު މަޝްރޫއުގެ ޕްރިލިމިނަރީ ޑިޒައިން އަދި ސާވޭ މަސައްކަތުގެ އެއްބަސްވުމުގައި ސޮއިކުރުމަށް ވަނީ ހަމަޖެހިފަ އެވެ.
ރައީސް މިއަދު އައްޑުއަށް ވަޑައިގަންނަވާ އިރު، މިމަހު ވަނީ ތ.އަތޮޅަށް ވެސް ވަޑައިގެންފައެވެ.