ކުރިއަށް އޮތް ރައްޔިތުންގެ މަޖިލީހުގެ އިންތިހާބުގެ ކެމްޕޭނަށް ކުރީގެ ރައީސް އިބްރާހިމް މުހައްމަދު ސޯލިހް ބ. އަތޮޅަށް ވަޑައިގެންފިއެވެ.
އެމްޑީޕީން "އެކްސް" ގައި ކުރި ޕޯސްޓެއްގައި ވަނީ ޕާޓީގެ އެޑްވައިޒަރު އަދި ކުރީގެ ރައީސް ސާލިހު މަޖިލިސް އިންތިހާބުގެ ކެމްޕޭނަށް ބ. އަތޮޅަށް ފުރާވަޑައިގެންފައިވާ ކަން ހާމަކޮށްފައެވެ.
އަދި އެމަނިކުފާނު ބ. އަތޮޅަށް ވަޑައިގަތުމުން ދަރަވަންދޫ ކެމްޕެއިން ޓީމުން ވަނީ ހޫނު މަރުހަބާއެއް ކިޔާފައެވެ.
Party ge adviser adhi Kureege Raeesul Jumhooriyya @ibusolih #Majlis20 MDP ge campaign ah B atoll ah vadaigathumun Airport in Dharavandhoo campaign team vanee maruhabaa dhannavaafa #MisraabuHamaMagah pic.twitter.com/bQKNste6ei
— MDP Secretariat (@MDPSecretariat) March 2, 2024
މަޖިލިސް އިންތިހާބަށް އިދިކޮޅު އެންމެ ބޮޑު ޕާޓީ، އެމްޑީޕީން "މިސްރާބު ހަމަމަގަށް" ނަމުގައި ކެމްޕޭނު ފަށާފައިވާއިރު، އެޕާޓީގެ ރައީސް ކުރީގެ ފޮރިން މިނިސްޓަރު އަބްދުﷲ ޝާހިދު އަންނަނީ ކުޅުދުއްފުށި ސިޓީގައި ކެމްޕޭން ހަރަކާތްތައް ކުރިއަށް ގެންދަމުންނެވެ.
އޭގެ އިތުރުން، މިހާރުގެ ރައީސް ޑރ. މުހައްމަދު މުއިއްޒު ވެސް ވަނީ މާޅޮސްމަޑުލު އުތުރުބުރި އަދި މާޅޮސްމަޑުލު ދެކުނުބުރީގެ ބައެއް ރަށްތަކަށް ކުރައްވާ ދަތުރުފުޅެއްގައި މިއަދު ބ. އަތޮޅަށާއި ރ. އަތޮޅަށް ފުރާވަޑައިގެންފައެވެ.
20 ވަނަ މަޖިލިސް އިންތިހާބުގައި ޖުމްލަ 368 ކެންޑިޑޭޓުން ވާދަކުރެއެވެ. މީގެ ތެރޭގައި ހިމެނީ 326 ފިރިހެން އަދި 42 އަންހެން ކެންޑިޑޭޓުންނެވެ. 20 ވަނަ މަޖިލީހަށް 93 މެންބަރަކު އިންތިހާބު ކުރާނެއެވެ. އެމްޑީޕީން އިންތިހާބުގައި ވާދަކުރަނީ 90 ކެންޑިޑޭޓުންނެވެ.
