ރާއްޖެއަށް މިވަގުތު ކުރަމުންދާ ވިއްސާރާގައި ފެންބޮޑުވެ ދިރިއނޫޅެވޭވަރުވެފައިވާ މާލެސިޓީގެ 5 ގެއަކުން 23 މީހުން އެހެން ތަނަކަށް ބަދަލުކޮށްްފައިވާކަމަށް ނޭޝަނަލް ޑިޒާސްޓަރ މެނޭޖުމަންޓް ސެންޓަރުން ބުނެފިއެވެ.
އެ ސެންޓަރުގެ އެކްސް ގައި ހާމަކޮށްފައިވާގޮތުން މިއަދުގެ ހެނދުނު 10:00 އާއި ހަމައަށް 256 ގެއަކަށް އެ ސެންޓަރުން އެހީތެރިކަން ވަނީ ފޯރުކޮށްދީފައެވެ. އޭގެ ތެރޭގައި 248 ތަނެއްގައި ވެލިބަސްތާ ޖަހައިދިނުމާއި 12 ތަނަކުން ފެންހިންދުން ހިމެނެއެވެ.
