އީވްނިންގް ކެފޭގައި އަލިފާނުގެ ހާދިސާއެއް ހިނގައިފިއެވެ.
އެމްއެންޑީއެފް އިން ބުނީ އެ ހާދިސާ ހިނގާފައިވަނީ އެ ކެފޭގެ ބަދިގޭގައި ކަމަށެވެ. މި ހާދިސާގެ ޚަބަރު އެމްއެންޑީއެފް އަށް ލިބިފައިވަނީ 06:12 ގައި ކަމަށް އެމްއެންޑީއެފް އިން ބުންޏެވެ. އެމްއެންޑީއެފުން ގެންދަނީ އަލިފާން ނިއްވުމުގައި ހަރަކާތްތެރި ވަމުންނެވެ.
އަލިފާންގަނޑު މިހާރު ވަނީ ކޮންޓްރޯލް ކޮށް ނިއްވާލާފައެވެ. މިހާދިސާގައި އެކެފޭއާ ޖެހިގެން ހުރި އިމާރާތުގައިވެސް އަލިފާންރޯވި ކަމަށް މަންޒަރުދުށް ފަރާތްތަކުން ބުނެއެވެ. ނަމަވެސް މާ ބޮޑުވަރު ނުވަނީސް ސިފައިން ވަނީ އަލިފާންގަނޑު ނިއްވާލާފައެވެ. މިހާދިސާގައި އެއްވެސް މީހަކަށް ގެއްލުމެއް ނުލިބެއެވެ.
