އެމްޑީޕީގެ ރިޔާސީ ޕްރައިމަރީއަށް ރައްޔިތުންގެ މަޖިލީހުގެ ރައީސް މުހައްމަދު ނަޝީދު ކުރައްވާ ކެމްޕޭނަށް އިދިކޮޅު ޕީޕީއެމްގެ ލީޑަޝިޕުން އެހީތެރިވާ ކަމަށް ރައްޔިތުންގެ މަޖިލީހުގެ މަރަދޫ ދާއިރާގެ އެމްޑީޕީ މެމްބަރު އިބްރާހީމް ޝަރީފު މިއަދު ތުހުމަތުކުރައްވައިފި އެވެ.
މިއަދު ކުރެއްވި ޓްވީޓެއްގައި ޝަރީފު ތުހުމަތުކުރެއްވި ގޮތުގައި ޕީޕީއެމްގެ ލީޑަޝިޕުން ގެންދަނީ އެޕާޓީގެ ހަރަކާތްތެެރިން ނަޝީދުގެ ކެމްޕޭން އިވެންޓްތަކަށް ފޮނުވަމުންނެވެ. އެކަން އެގޮތަށް ކުރަނީ ރިޔާސީ އިންތިހާބުގައި އެމްޑީޕީ ބަލިކޮށްލުމުގެ ރޭވުމެއްގެ ދަށުން ކަމަށް ވެސް އޭނާ ތުހުމަތުކުރެއްވި އެވެ.
"ޕީޕީއެމްގެ އިސް ލީޑަޝިޕުން ޕީޕީއެމްކުދިން މުހައްމަދު ނަޝީދުގެ އިވެންޓްތަކަށް ފޮނުވައި، ކެމްޕޭން ކޮށްދެނީ އެމްޑީޕީ ރިޔާސީ އިންތިހާބުގައި ބަލިކޮށްލުމުގެ ރޭވުމުގެ ދަށުން. އެމްޑީޕީ މެމްބަރުން ސަމާލުވާން ޖެހޭ،" ޝަރީފި ވިދާޅުވި އެވެ.
PPM ge is leadership in PPM kudhin @MohamedNasheed event thakah fonuvaa campaign koh dhenee MDP riyaasee inthikhaabu ga bali kollumuge reyvumuge dhashun,mikamah MDP member in samaalu vaan jehey
— Ibrahim Shareef (@AdduShareef) January 14, 2023
އެމްޑީޕީގެ ރިޔާސީ ޕްރައިމަރީގައި ވާދަކުރައްވާ ރައީސް އިބްރާހީމް މުހައްމަދު ސޯލިހާއި އެމަނިކުފާނާ ވާދަކުރައްވާ ރައްޔިތުންގެ މަޖިލީހުގެ ރައީސް މުހައްމަދު ނަޝީދާއި ދެބޭފުޅުން ގެންދަވަނީ އެއްބޭފުޅަކު އަނެއް ބޭފުޅަކަށް ބަހުގެ ހަމަލާތައް ދެއްވަމުންނެވެ. އެއާ އެކު އެ ދެބޭފުޅުންނަށް ތާއީދުކުރާ ފަރާތްތަކުން ވެސް އަންނަނީ އެކަމުގައި ބައިވެރިވަމުންނެވެ.
ނަޝީދާއި އެމަނިކުފާނުގެ އަރިސް ބޭފުޅުން ތުހުމަތުކުރައްވާ ގޮތުގައި ރައީސް އިބްރާހީމް މުހައްމަދު ސޯލިހާއި އެމަނިކުފާނުގެ އަރިސް ބޭފުޅުން މަސައްކަތް ކުރައްވަމުން ގެންދަވަނީ އެމްޑީޕީގެ ނަމާއި ލޯގޯ ބޭނުންކޮށްގެން "މުޅިން އެހެން ޕާޓީއެއް" އުފެއްދުމަށެވެ.
ކިޔުންތެރިންގެ ޚިޔާލުތައް
އެމްޑީޕީއަކީީ ވަރައްބޮޑައްވެސްް ރައީސްނަސީދާާ ގުޅިލާމެހިފައިވާާ މެމްބަރުންތިބިޕާޓީއެއްކަންް މިހާރުު އިބޫއައްް ގަބޫލުކުރެވޭވަރައްް ނަސީދުު ހުސްއަތާނުކުމެކުރާމަސައްކަތުންް އެގޭނެެ އިބޫއައްް ތާއީދުނެތުމަކީީ ނަސީދުު ޒިންމާވާންޖެހޭނެކަމެއްނޫންް އިބޫއާއިއެކުތިބިމީހުންގެވެސްް ގިނަވޯޓްހޯދޭނެެ ދެންމޮޔަގޮވާނެކަމެއްނެތްް ތިފެންނަނީީ އަންނިގެެ ލަސްކަރުު