އަނެއްކާވެސް ރާއްޖެއިން ކިނބުލެއް ފެނިގެން ސިފައިން އޭތި ހިފައިފި އެވެ.
އެމްއެންޑީއެފް އިން ބުނިގޮތުގައި މި ފަހަރު ފެނުނީ ދިގުމިނުގައި ހަ ފޫޓު ހުރި ކިނބުލެކެވެ. ކިނބޫ ފެނުނީ ހއ.ހޯރަފުއްޓާ އެއް ފަޅެއްގައި އޮންނަ އުނގުލުފިނޮޅާއި ހުވަހަންދޫއާ ދެމެދުން ކަމަށް ވެސް އެމްއެންޑީއެފުން ބުންޏެވެ.
ހއ.ހޯރަފުއްޓާ އެއް ފަޅެއްގައި އޮންނަ އުނގުލުފިނޮޅާއި ހުވަހަންދޫއާ ދެމެދުން، ދިގުމިނުގައި ގާތްގަނޑަކަށް 6 ފޫޓު ހުރި ކިނބުލެއް ފެނިގެން އެމްއެންޑީއެފް ނޮދަން އޭރިއާ ކޮމާންޑް، ކޯސްޓްގާޑް ފަސްޓް ސްކޮޑްރަންގެ ސިފައިން ހަރަކާތްތެރިވާން ފަށައިފި. pic.twitter.com/tgAtKNawju
— Maldives National Defence Force (@MNDF_Official) January 21, 2023
މިމަހުގެ 13 ވަނަ ދުވަހު ވެސް ވަނީ ރާއްޖެއިން ކިނބުލެއްފެނުނެވެ. ކ.ބޮލިފުށިން ފެނުނު އެކިނބުލުގެ ދިގުމިނުގައި 14 ފޫޓު ހުއްޓެވެ. އެފަހަރު ސިފައިން އެ ކިނބޫ ހިފުމަށް ފަހު ބޭރުކަނޑަަށް ގެންގޮސް ދޫކޮށްލީ އެވެ. އެމްއެެންޑީއެފުން އޭރު ބުނި ގޮތުގައި އެ ކިނބޫ ދޫކޮށްލީ ރާއްޖޭގެ އެތެރެވަރިން ފެށިގެން 24 މޭލު ބޭރަށެވެ.
