މަޑިފުށި ޕްރައިވެޓް އައިލެންޑްގެ ނަމުގައި ހިންގަމުން އަންނަ ރިސޯޓުގެ ގޮނޑުދޮށް، ހުއްދަ ނުނަގާ ހިމާޔަތް ކުރުމުގެ މަސައްކަތް ކުރުމުން ޖޫރިމަނާކޮށްފިއެވެ.
އެންވަޔަރަންމަންޓަލް ޕްރޮޓެކްޝަން އެޖެންސީއިން މިއަދު ނެރުނު ނޫސްބަޔާނެއްގައި ވަނީ މ. މަޑިފިށީގައި ކޯސްޓަލް ޕްރޮޓެކްޝަން އަދި ބީޗް ނަރިޝްކުރުމުގެ މަޝްރޫއުގެ މަސައްކަތްތައް ގަވައިދާ ހިލާފަށް ކޮށްފައިވުމުން އެ އެެޖެންސީއިން އެކަން ބަލާފައިވާ ކަމަށެވެ.
Press release regarding the fine imposed on Maldives Inflight Catering Private Limited under the EIA Regulation 2012. pic.twitter.com/pCB9AdDk3G
— EPA Maldives (@EPAMaldives) February 7, 2023
އެގޮތުން އެރަށުގެ ގޮނޑުދޮށް ހިމާޔަތް ކުރުމުގެ މަސައްކަތް ކޮށްފައި ވަނީ އީ.އައި.އޭ މަރުހަލާ ފުރިހަމަ ނުކޮށް ކަމަށާއި އަދި ތިމާވެށީގެ ކުލިއަރެންސް ހޯދެއްވުމަކާ ނުލާ ކަމަށް އެއިދާރާއިން ބުނެފައިވެއެވެ. އެގޮތަށް އެ މަސައްކަތް ކޮށްފައިވުމުން އީޕީއޭއިން އެރިސޯޓު ހިންގާ ކުންފުނި ކަމުގައިވާ މޯލްޑިވްސް އިންފްލައިޓް ކޭޓަރިންގ ޕްރައިވެޓް ލިމިޓެޑް 20،000.00 (ވިހި ހާސް) ރުފިޔާއިން ޖޫރިމަނާ ކޮށްފައިވާ ކަމަށެވެ. އަދި މިފައިސާ 30 ދުވަސް ތެރޭގައި ދެއްކުމަ އެއިދާރާއިން އިންފްލައިޓް ކޭޓަރިންގ އަށް 5 ޖެނުވަރީ ގައި އަންގާފައިވާ ކަމަށް ބުނެފައިވެއެެވެ.
