ރާއްޖެއިން މިއަހަރު ހައްޖަށް މީހުން ގެންދަން ހުއްދަދީފައިވާ އަމިއްލަ ކުންފުންޏަކުން އިތުރަށް ފައިސާ ނަގާ މައްސަލަ އިސްލާމިކް މިނިސްޓްރީން ބަލަން ފަށައިފި އެވެ.
އިސްލާމިކް މިނިސްޓްރީން ބުނެފައިވާ ގިތުން ހައްޖަށް މީހުން ގެންދިއުމުގެ ހުއްދަ ދީފައިވާ ބައެއް އަމިއްލަ ކުންފުނިތަކުން މީހެއްގެ އަތުން 150،000 ރުފިޔާ ނަގާކަމުގެ ޝަކުވާ އެ މިނިސްޓްރީއަށް ހުށަހަޅާފައިވެއެވެ.
ރާއްޖެއިން މިއަހަރު ހައްޖަށް މީހުން ގެންދިއުމުގެ ހުއްދަ ދީފައިވަނީ ހައްޖު ކޯޕަރޭޝަންގެ އިތުރުން އަމިއްލަ ތިން ކުންފުންޏަށެވެ. އެއީ ސިސިލްފަރު ހައްޖު އެންޑް އުމްރާ ގުރޫޕް، އަލްހަރަމައިން ހައްޖު އެންޑް އުމްރާ އަދި އަލްމަނާސިކް ޕްރައިވެޓް ލިމިޓެޑް އެވެ.އެކުންފުނި ތަކަށް ހުއްދަދިނީ 75،000 ރ. ގެ އަގަކަށެވެ.
ނަމަވެސް އަމިއްލަ ކުންފުނިތަކުން ގާތްގަޑަކަށް ތިންގުނައަށް އަގު ބޮޑުކޮށްގެން ސްލޮޓް ރިޒާވްކުރަމުންދާކަމަށް ވަރަށް ގިަނ މީހުން ސޯޝަލްމީޑިއާ ގައި ވެސް ދަނީ އެވާހަކަ ދައްކަމުންނެވެ.
