އިއްޔެ ބޭއްވި މާލޭ ސިޓީ ކައުންސިލްގެ ބައި އިލެކްޝަންގައި ސަރުކާރު ހިންގާ ޕީޕީއެމް ޕީއެންސީ އަށް ލިބުނު ބޮޑު ނާކާމިޔާބަކީ ކުރަންވާ ވަރަށް އިންތިވާބަށް ފޯކަސް ނުކުރެވުމުން ކުރިމަތިވި ނާކާމިޔާބީއެއްކަމަށް ޕީއެންސީ އިން ބުނެފިއެވެ.
އިންތހާބަށްފަހު ވާހަކަދައްކަމުން ޕީއެންސީގެ ޗެއަރޕާސަން އަބްދުއްރަހީމް ވިދާޅުވީ އިންތިހާބަށް އެކަށިގެންވާ މިންވަރަށް ފޯކަސް ނުކުރެވުނު ކަމަށާ، އެއީ ބަލިވުމުގެ އެންމެ މައިގަނޑު އެއް ސަބަބު ކަމަށެވެ.
މީގެ އިތުރުން ރިޔާސީ އިންތިހާބު ކާމިޔާބު ކުރުމަށްފަހު މި ވޭތުވެދިޔަ ދުވަަސްތަކުގައި ޕާޓިގެ ސަޕޯޓަރުންނާ އެކަށީގެންވާ ގުޅުމެއް ބޭއްވިފައި ނުވާކަންވެސް އަބްދުއްރަހީމް ވަނީ ފާހަގަ ކުރައްވާފައެެވެ.
މާލޭ ސިޓީގެ މޭޔަރ އިންތިހާބުގައި ޖުމްލަ 5 ކެނޑިޑޭޓަކު ވާދަ ކުރެއްވިއިރު އިދިކޮޅު އެމްޑީޕީގެ ކެންޑިޑޭޓް އާދަމް އާޒިމް އިންތިހާބު ކާމިޔާބު ކުރެއްވީ ތަފާތު ބޮޑުކޮށް ވޯޓް ހޯއްދަވައިގެންނެވެ.
އިންތިހާބުގެ ވަގުތީ ނަތީޖާ ދައްކާގޮތުން އާޒިމް އަށް 7600 އަށް ވުރެ ގިނަ ވޯޓް ލިބިފައި ވާއިރު އެންމެ ދާތުން ވާދަކުރެއްވި ސަރުކާރުގެ ކެންޑިޑޭޓް އާޒިމާ އަށް ލިބިލެއްވީ 5069 ވޯޓެވެ. ތިންވަނައަށް ދިޔަ ދަޑިމޮކްރެޓްސް ގެ ކެންޑިޑޭޓް ސައިފަށް 2347 ވޯޓު ލިބިފައި ވާއިރު ކުރީގެ ރައީސް ޔާމީންގެ ތާއީދާއެކު ވާދަކުރެއްވި ހުސެންވަހީދަށް ލިބިފައިވަނީ 1920 ވޯޓެވެ. އަދި އިންތިހާބުގެ އެންމެ ފުލަށްދިޔަ ޝުއައިބަށް ލިބިފައިވަނީ އެންމެ 126 ވޯޓެވެ.
