ހައްގުބަސް ބުނުމަށް ކޮންމެހެން ރައްޔިތުންގެ މަޖިލީހުގެ ގޮނޑިއެއް ބޭނުމެއްނުވާކަމަށް އެމްޑީޕީގެ އައްޑޫ މީދޫ ދާއިރާގެ މެމްބަރު ރޮޒެއިނާ އާދަމް ވިދާޅުވެއްޖެއެވެ.
ރޮޒޭނާ މިހެން ވިދާޅުވީ ރައްޔިތުންގެ މަޖިލީހަށް ވާދަ ކުރުމަށް އެމްޑީޕީން ބޭއްވި ޕްރައިމަރީ ޓިކެޓު ކާމިޔާބު ނުވުމުން މީސްމީޑިއާގައި އޭނާއަށް ކުރިމަތިވާ ފާޑުކިއުންތަކާ ގުޅިގެން އެކްސްގައި މިއަދު ކުރެއްވި ޕޯސްޓެއްގައެވެ.
އެ ޕޯސްޓުގައި ރޮޒޭނާ ވިދާޅުވީ، ސިޔާސީ މަސއްކަތަށް ނިކުތީ ކާންބޯން ނުލިބިގެން ނޫންކަމަށާއި ސިޔާސީ މަސައްކަތް ކުރަނީ ކުރާހިތުން ކުރާ މަސައްކަތަކަށް ވާތީ ކަމަށެވެ.
ރޮޒޭނާ ވިދާޅުވީ އެމްޑީޕީގައި ސާބިތުކަމާއެކު ހުރެ ދެންވެސް ބުނަން ޖެހޭ އެއްޗެއް ބުނުމުގައި ދެމިހުންނާނެ ކަމަށް ރޮޒޭނާ ވިދާޅުވިއެވެ.
Alhugandah ticket nulibuneema ufaa kuraa beyfulhunnah dhannavaalan. Alhugandu siyaasee masakkai kuranee kuraa hithun. Kaan boan nulibigeneh noon. Haggu bas bunaakah gondi eh beynumeh nuvey.
MDP ga saabithu kaamaa eku hure bunan jehey ehcheh dhenves bunaanan! @AdhadhuMV @Raajje_tv— 𝐌𝐏 𝐑𝐨𝐳𝐚𝐢𝐧𝐚 𝐀𝐝𝐚𝐦 (@Roxeyna) February 5, 2024
"އަންހެނަކަށް ފުރައްސާރަ ކޮށް ތިވަރަށް އަޅައިގަނެގެން އުޅުމުން އިނގެނީ ތިބޭފުޅުން އަޅުގަނޑު ދެކެ ޖެހިލުންވާ މިންވަރު" ރޮޒޭނާ ވިދާޅުވިއެވެ.
މީގެ އިތުރުން ރޮޒޭނާ ވިދާޅުވީ، ޕްރައިމަރީއަށްފަހު ވޯޓުގެ ނަތީޖާ އައިގޮތުން އޭނާއާ މެދު އޮތް ނަފްރަތާ ރުޅިވެރިކަން ފެނިގެން ހިނގައްޖެ ކަމަށެވެ. އެހެން ނަމަވެސް ސިޔާސީ ހަޔާތުގައި އެއްވެސް މީހަކާ ޒާތީ ގޮތުން އެއްޗެއް ބުނެފަ ނޯންނާނެ ކަމަށާއި އަދި ފަހުން ވެސް ނުބުނާނެ ކަމަށް ވެސް އޭނާ ވިދާޅުވިއެވެ.
މިދިޔަ ހޮނިހިރު ދުވަހު ކުރިޔަށް ދިޔަ އެމްޑީޕީގެ ޕްރައިމެރީގައި ރޮޒެއިނާ ވާދަކުރެއްވީ ފޭދޫ އުތުރު ދާއިރާ އަށެވެ. ނަމަވެސް މާލޭގައި ހުރި ވޯޓު ފޮށިތަކުންނާއި، އައްޑޫގައި ހުރި ފޮށިތަކުން ވެސް ރޮޒައިނާއަށް ކުރި ހޯދިފައެއް ނުވެއެވެ. އެދާއިރާގެ އެމްޑީޕީގެ ޓިކެޓް ކާމިޔާބު ކުރެއްވީ ރާއްޖޭގެ ފުޓްބޯޅައިގައި ފާހަގަކޮށްލެވޭ ޝަހުސިއްޔަތެއް ކަމަށްވާ އަހުމަދު ޝަރީފު (ޑުންގާ) އެވެ.
މީގެ ކުރިން ރޮޒޭނާ ވަނީ ތުލުސްދޫ ދާއިރާގެ ގޮނޑި ފުރުއްވާފައެވެ. އަދި މީދޫ ދާއިރާގެ ގޮނޑި އަށް ރޮޒެއިނާ ފުރަތަމަ އިންތިހާބުވެވަޑައިގަތީ 2014 ވަނަ އަހަރުގައެވެ. އަދި 2019 ވަނަ އަހަރު ވެސް ރޮޒެއިނާ ވަނީ އެ ދާއިރާގެ ގޮނޑި ދިފާއުކުރައްވާފަ އެވެ.
