އެމެރިކާގެ ލޮސްއެންޖެލިސް ގައި ފެތުރިފައިވާ އަލިފާން ގަނޑު ތަކުގައި ހޮލީވްޑްގެ މަޝްހޫރު އެތަށް ތަރިންގެ އަގުބޮޑތި ގަނޑުވަރުތައް އަނދާހުލިވެއްޖެއެވެ. ލޮސް އެންޖެލިސް އަށް ފެތުރިފައިވާ އަލިފާނުގެ ހާދިސާގައި ގެދޮރު ގެއްލުނު ތަރިންގެ ތެރޭގައި ޕެރިސް ހިލްޓަން، ބިލީ ކްރިސްޓަލް އަދި އެޑަމް ބްރޯޑީ ވެސް ހިމެނެއެވެ. ހޮލީވްޑްގެ ފިލްމީ ތަރިންގެ ގަނޑުވަރުތަކުން ފުރިފައިވާ އެ ސިޓީގެ ވަށައިގެން ވަކިވަކިން ހަ އަލިފާންގަނޑު ދަނީ ފެތުރެމުންނެވެ ލޮސްއެންޖެލިސް ގައި ފެތުރެމުންދާ އަލިފާންގަނޑުތަކުގެ ސަބަބުން 10،000 އަށްވުރެ ގިނަ ގެދޮރު މިހާތަނަށް އަނދާފައިވާކަމަށް މީޑިއާތަކުން ރިޕޯޓްކޮށްފައިވެއެވެ. ލޮސްއެންޖެލިސްގެ އެންމެ ބޮޑު ގެއްލުމެއް ލިބިފައިވަނީ ޕެސިފިކް ޕެލިސޭޑްސްގެ ހިތްގައިމު ސަރަހައްދެއްކަމަށްވާ އެންކްލޭވް އަށެވެ. އަންގާރަ ދުވަހުން ފެށިގެން އެސަރަހައްދުގައި ފެތުރިފައިވާ އަލިފާންގަނޑު މިހާރުވަނީ 15،000 އޭކަރަށްވުރެ ބޮޑު ސަރަހައްދަކަށް ފެތުރިފައެވެ. ސަންޓާ މޮނިކާ ފަރުބަދަތަކުގެ ކުރިމަތިން ޕެސިފިކް ކަނޑުގެ ގޮނޑުދޮށްތައް ވަށައިގެންއޮންނަ އަވަށެއް ކަމުގައިވާ އެ ސަރަހައްދުގެ ބޮޑު ބައެއް ވަނީ އަނދާހުލިވެފައެވެ. ނިކްސަން އާއި ކެސިނޯ ފަދަ ފިލްމުތައް ކުޅެފައިވާ އެކްޓަރު ޖޭމްސް ވުޑްސްގެ ގެ އަގު ބޮޑު ގެ ވެސް އަނދާފައިވާކަމަށް ސީއެނއެންްއަށް އަށް ދިން އިންޓަވިއުއެއްގައި އޭނާ ބުނެފައިވެއެވެ. މީގެ އިތުން ހޮލީވްޑްގެ މަޝްހޫރު އެކްޓަރު ކްރިސްޓަލް ނެރުނު ބަޔާނެއްގައި ބުނީ 1979 ވަނަ އަހަރުން ފެށިގެން ދިރިއުޅެމުން އައި ޕެސިފިކް ޕެލިސޭޑްސްގެ ގެ ގެއްލުމުން އޭނާ އާއި އޭނާގެ އަންހެނުން ޖެނިސްގެ ހިތް ހަލާކުވެފައިވާ ކަމަށެވެ. އިންސްޓަގްރާމްގައި ޕެރިސް ހިލްޓަން ކުރި ޕޯސްޓެއްގައި ބުނެފައި ވަނީ އާއިލާއާ އެކު ލައިވް ޓީވީން މަލިބޫގައި ހުންނަ އޭނާގެ ގެ އަނދައިގެން ދާތަން ފެނުމަކީ ދުވަހަކުވެސް މީހަކު ތަޖުރިބާ ކުރަން ނުޖެހޭވަރުގެ ކަމެއް ކަމަށެވެ.

އާއިލާއާ އެކު އިށީނދެ، ޚަބަރު ބެލުމާއި، ލައިވް ޓީވީން މަލިބޫގައި ހުންނަ އަހަރެމެންގެ ގެ އަނދައިގެން ދާތަން ފެނުމަކީ ދުވަހަކުވެސް އެއްވެސް މީހަކު ތަޖުރިބާ ކުރަން ނުޖެހޭ ކަމެއް.

ނެޓްފްލިކްސްގެ ކާމިޔާބު ސިލްސިލާ "ނޯބަޑީ ވޯންޓްސް ދިސް" އިން ފެނިގެންދާ ބްރޯޑީގެ ގެއަކާއި ގޮސިޕް ގާލްގެ ތަރި އަނބިކަނބަލުން ލެއިޓަން މީސްޓާގެ ގެއެއް ވެސް އަނދާފައިވާ ކަމަށް ރިޕޯޓްތައް ބުނެ އެވެ. އަދި މީގެ އިތުރުން "ދަ ހިލްސް" ގެ ތަރިން ސްޕެންސާ ޕްރެޓް އާއި ކައިވެނިކޮށްގެން އުޅޭ ހެއިޑީ މޮންޓެގެ ގެ ވެސް ވަނީ އަލިފާނުގެ ހާދިސާގައި އަނދާފައިކަމަށް ރިޕޯޓްތައް ބުނެއެވެ. އެގޮތުން ޕްރެޓް ކުރި ޕޯސްޓެއްގައި ބުނެފައި ވަނީ ސެކިއުރިޓީ ކެމެރާތަކުން އެމީހުންގެ ގެ އަނދަމުންދާ ތަން ބަލަމުން އަންނަ ކަމަށެވެ.

އަހަރެމެންގެ ގެ އަނދަމުންދާ ސެކިއުރިޓީ ކެމެރާތަކުން މިދަނީ ބަލަމުން

ލަވަކިޔުންތެރިޔާ އަދި ދިސް އިޒް އެމެރިކާގެ ބަތަލާ މަންޑީ މޫރު ވަނީ އޭނާގެ ގެ ހުސްކުރަމުން ދަނިކޮށް ހަލާކުވި މަންޒަރު ފެންނަ ވީޑިއޯއެއް އާންމުކޮށްފަ އެވެ. މީގެ އިތުރުން އެކްޓަރުން ކަމަށްވާ ސަރ އެންތަނީ ހޮޕްކިންސް، ޖޯން ގުޑްމަން، އެނާ ފާރިސް އަދި ކެރީ އެލްވޭސްގެ ވެސް ގެދޮރު ގެއްލުނު ކަމަށް ރިޕޯޓްތައް ބުނެއެވެ. އަދި "ޓޮޕް ގަން: މެވަރިކް" ގެ ރޯލުން މަޝްހޫރުވި މައިލްސް ޓެލާ އާއި އޭނާގެ އަންހެނުން ކެލެއި ސްޕެރީއަށް ޕެސިފިކް ޕެލިސެޑްސްގެ ގެ ގެއްލުނު ކަމަށްވެސް ރިޕޯޓްތައް ބުނެފި އެވެ.

ޓީވީ ހޯސްޓް ރިކީ ލޭކް ފޮލޯވަރުންނާ ވާހަކަ ދައްކަމުން ބުނީ އޭނާގެ "ޑްރީމް ހޯމް" ގެއްލުނު ކަމަށާއި މި އެޕޮކެލިޕްޓިކް އިވެންޓުގައި ހާލުގައި ޖެހުނު އެންމެންނާ އެކު ހިތާމަކުރާ ކަމަށެވެ.

އަލިފާނުގެ ސަބަބުން ރައްކާތެރި ހިސާބުތަކަށް ދަތުރުކުރަންޖެހުނު އެހެން ތަރިންގެ ތެރޭގައި ސްޓާ ވޯސްގެ އެކްޓަރު މާކް ހެމިލް އާއި ޝިޓްގެ ކްރީކް އެކްޓަރު ޔޫޖީން ލެވީ ހިމެނެ އެވެ. ބޮލީވުޑްގެ މަޝްހޫރު އެކްޓަރު ކެމަރަން މެތިސަން ވެސް ވަނީ އޭނާގެ ގެ ހަލާކުވެފައިވާ މަންޒަރު ފެންނަ ކްލިޕެއް ހިއްސާކޮށްފަ އެވެ. އެ ކްލިޕް ހިއްސާކުރަމުން އޭނާ ބުނެފައިވަނީ

އަހަންނަށް ރައްކާތެރިކަން ލިބުނެވެ. އެކަމަކު މިއީ އަހަރެމެންގެ ރީތި ގޭގައި ބާކީ ހުރި އެއްޗެއް،" ޖެނެރަލް ހޮސްޕިޓަލްގެ ތަރި ލިޔެފައިވެ އެވެ.

"އިފް އައި ކޭޑް ޓާން ބެކް ޓައިމް" އާއި "އައި ޑޯންޓް ވޯންޓް ޓު މިސް އަ ތިންގް" ފަދަ ކްލެސިކް ހިޓްތައް ގެނެސްދިން ލެޖެންޑަރީ ލަވަކިޔުންތެރިޔާ ޑިއާން ވޮރެންއަށް ވެސް ވަނީ އަލިފާނުގެ ހާދިސާގައި ގެދޮރު ގެއްލިފަ އެވެ.

ގެ ކައިރީގައި ހުރި ބީޗްފްރަންޓުގެ ފޮޓޯއެއް ޕޯސްޓުކޮށް އޭނާ ބުނީ ގާތްގަނޑަކަށް ތިން އަހަރު ވަންދެން އޭނާގެ އަތުގައި ހުރި މުދާ ގެއްލިފައިވާ ކަމަށެވެ.

އަލިފާނުގެ ހާދިސާއާއި ގުޅިގެން އޮސްކާގެ ނޮމިނޭޝަންތައް ދެ ދުވަހަށް ފަސްކޮށްފައިވާއިރު ތަރިން ހިމެނޭ އެހެން އިވެންޓްތައް ވެސް ވަނީ ކެންސަލްކޮށްފަ އެވެ.