އަހަރެއްގެ ތެރޭގައި ބިލިއަން ޔޫރޯގެ އާމްދަނީއެއް ހޯދި ފުރަތަމަ ކުލަބަކަށް ރެއާލްމެޑްރިޑް ހޮވިއްޖެއެވެ.

ފައިނޭންސް ދިރާސާކުރާ ކުންފުންޏެއް ކަމަށްވާ ޑެލޮއިޓްގެ އެނަލިސިސް އިން މިދިޔަ ސީޒަނުގައި އެއްމެ ބޮޑު 5 ލީގުގެ ކްލަބުތަކުގެ އާމްދަނީ ރިޕޯޓް ނެރެފައިވާއިރު އެ ރިޕޯޓުގެ 1 ވަނަ ލިބިފައިވަނީ ރެއާލް މެޑްރިޑް އަށެވެ. މިދިޔަ ސީޒަން ގައި އެ ކްލަބަށް އެއް ބިލިއަން ޔޫރޯއަށް ވުރެ ބޮޑު އާމްދަނީއެއް ލިބިފައިވާ ކަމަށާއި ސީޒަނެއްގައި 1 ބިލިއަނުގެ އާމްދަނީއެއް ލިބުނު ފުރަތަމަ ކްލަބަކީ ރެއާލް މެޑްރިޑް ކަމަށްވެސް އެ ރިޕޯޓްގައި ފާހަގަކޮށްފައިވެއެވެ.

ދުނިޔޭގެ ފްޓްބޯޅައިގެ އެންމެ ވަރުގަދަ 5 ލީގުގެ ވަރުގަދަ ކްލަބު ތަކުގެ ތެރޭގައި ފްޓްބޯޅައިގެ ވާދަވެރިމަުގެ އިތުރުން އާމްދަނީގެ ވާދަވެރިކަން ވަރަށްބޮޑަށް އޮވެއެވެ. އެގޮތުން މަނީ ލީގުގެ ނަމުން މަޝްހޫރު ވެފައިވާ ސީޒަނުގައި އެންމެ ބޮޑު އާމްދަނީއެއް ހޯދި ކްލަބުގެ މަގާމު ހޯދުމަށް ބޮޑެތި ކުލަބުތަކުން ވަރަށް ބޮޑަށް މަސައްކަތް ކުރެއެވެ.

އެގޮތުން ރެއާލް މެޑްރިޑުން 2023-24 ވަނަ އަހަރުގެ ލަލީގާ އާއި ޗެމްޕިއަންސް ލީގު ކާމިޔާބުކޮށް 1.05 ބިލިއަން ޔޫރޯ ގެ އާމްދަނީއެއް ހޯދާފައިވާއިރު މަނީ ލީގުގެ 2 ވަނަ ހޯދާފައިވަނި އިނގިރޭސި ކުލްބް މެންޗެސްޓާ ސިޓީ އެވެ. އެ ކުލަބުން ވަނީ ޕްރިމިއާ ލީގާއި ކްލަބް ވޯލްޑް ކަޕާއި ޔޫރަޕިއަން ސުޕަ ކަޕް ކާމިޔާބުކޮށްގެން ނިމިދިޔަ ސީޒަނުގައި 837 މިލިއަން ޔޫރޯ ގެ އާމްދަނީއެއް ހޯދާފައެވެ. އަދި 805 މިލިއަން ޔޫރޯގެ އާމްދަނީއެއް ހޯދައިގެން މަނީ ލީގުގެ 3 ވަނަ ހޯދާފައިވަނީ ފްރާންސް ގެ ކްލަބް ޕީއެސްޖީ އެވެ.

އަދި 770 މިލިއަން ޔޫރޯގެ އާމްދަނީއެއް ހޯދައިގެން މަނީލީގުގެ 4 ވަނަ އިނގިރޭސި ކްލަބް މެންޗެސްޓަރ ޔުނައިޓެޑުން ހޯދާފައިވާއިރު 764 މިލިއަން ޔޫރޯ ގެ އާމްދަނީއެއް ހޯދައިގެން އެ ލިސްޓްގެ 5 ވަނަ ހޯދާފާއިވަނީ ޖަރުމަނުގެ ކްލަބް ބަޔާން މިއުނިކް އެވެ. މެޗްޑޭގެ އާމްދަނީ 53 މިލިއަން ޕައުންޑް ދަށަށް ދިއުމުން ބާސެލޯނާ މަނީ ލީގުގެ 4 ވަނައިން 6 ވަނައަށް ވަނީ ވެއްޓިފައެވެ.

ޕްރިމިއާ ލީގުގެ އާސެނަލް، ލިވަޕޫލް، ޓޮޓެންހަމް، ޗެލްސީ، ނިއުކާސަލް އަދި ވެސްޓްހޭމް އަދި އެސްޓަން ވިލާ ހިމެނޭހެން އެ ލީގުގެ 9 ކްލަބެއް މަނީ ލީގުގެ ގަދަ 20 ގައި ހިމެނިފައިވެއެވެ. އަދި ޕްރިމިއާ ލީގުގެ އިތުރު ފަސް ކްލަބެއް ގަދަ 30 ގައި ހިމެނުނުއިރު، ބްރައިޓަން ވަނީ ތާރީހުގައި ފުރަތަމަ ފަހަރަށް ޔޫރޮޕާ ލީގުގައި ވާދަކުރުމަށް ފަހު މަނީ ލީގުގެ 21 ވަނަ ހޯދައިފަ އެވެ. ކްރިސްޓަލް ޕެލަސް، އެވަޓަން، ފުލަމް އަދި ވުލްވްސް އޮތީ މަނީ ލީގުގެ 26 ވަނަ އާއި 29 ވަނައިގަ އެވެ.

ރެއާލަށް އެންމެ ބޮޑު ފައިދާއެއް ލިބުނީ އެ ޓީމުގެ ސްޓޭޑިއަމް މަރާމާތުކޮސް ކެޕޭސިޓީ އިތުރުކުރުމުން މެޗްޑޭގެ އާމްދަނީ 2 ގުނަވެ މިދިޔަ އަހަރު މެޗްޑޭގެ އާމްދަނީގެ ގޮތުގައި 210 މިލިއަން ޕައުންޑް ލިބުމާ ގުޅިގެންނެވެ.

މަނީ ލީގުގެ އާމްދަނީ 10 އިންސައްތަ އިތުރުވެ 4.14 ބިލިއަން ޕައުންޑަށް އަރާފައިވާއިރު، ޖުމްލަ އާމްދަނީގެ 44 އިންސައްތަ ހިއްސާކުރަނީ ކޮންސެޓްފަދަ ފުޓުބޯޅަ ނޫން ލައިވް އިވެންޓްތައް ބޭއްވުމުންނެވެ.