ރޯދައާ ދިމާކޮށް އެސްޓީއޯއިން ބާޒާރަށް ނެރެފައިވާ ފިޔާ ކިލޯއެއް އުޅޭނީ 16 ރުފިޔާ އަށް ކަމަށާއި، އެއަށްވުރެ ފިޔާ ކިލޯއެއްގެ އަގު ބޮޑުނުވާނެކަމަށް އެ ކުންފުނިން ބުނެފި އެވެ.

ބާޒާރުގައި ފިޔާ ކިލޯއެއްގެ އަގު 25 ރުފިޔާ އާއި 30 ކިލޯއާއި ދެމ ެދށް އަރާފައިވާއިރު އެސްޓީއީއިން ވަނީ ރޯދައަށް ގހާއްސަކޮށް ބާޒާރަށް ފިޔާ ނެރެފައެވެ. އެގޮތުން ރޯދައަށް ފިޔާގެ ޑިމާންޑް މަތިާވެނެތީ އެ ކުންފުނިން ވަނީ ކުރިއާލާ ފިޔާ ގެނެސް ބާޒާރަށް ނެރެފައެވެ.

އެ ކުންފުނިން ފިޔާ ކިލޯއެއް 16 ރުފިޔާ އަށް ވިއްކާއިރު އިރު، 25 ކިލޯގެ ފިޔާ ބަސްތާއެއް ވިއްކަނީ 350 ރުފިޔާ އަށެވެ. އަދި 10 ބަސްތާއަށް ވުރެ ގިނައިން ގަންނަ ނަމަ، ބަސްތާއެއް 340 ރުފިޔާއަށް ލިބޭނެ ކަމަށް އެސްޓީއޯއިން ލިބޭނެ ކަމަށާއި އަދި އެސްޓީއޯގެ ރީޓެއިލް ހުރިހާ ފިހާރަތަކުން މިހާރު ފިޔާ ލިބޭނެކަމަށް އުކުންފުނިން ބުނެއެވެ.

ރޯދަމަހަށް ކާބޯތަކެތީގެ އަގުތައް މައްޗަށް ދާނެތީ އެސްޓީއޯޯ އިން ވަނީ ދިވެހިން އާއްމުކ ޮށް ބޭނުންކުރާ ބާވަތްތަކުގެ ތެރޭގައި ހިމެނޭ ކާޓާ ލުނބޯވެސް ގެނެސްފައެވެ. އަދި މީގެ އިތުރުންވެސް އަސާސީ ކާބޯ ތަކެތީގެ ތެރޭގައި ހިމެނޭ ބިސް އަލުވި، ކަދުރު، ތަރުކާރީ އާއި މޭވާ، ލޮނުމެދު، އިނގުރު، ލައިމް، ކެރެޓް، އޮރެންޖް، ކެބެޖް، މިރުސް، ފޭރު، ކަރާ، އަނބު، ޕެޝަންފުރުޓް، ކިއުކަންބާ، ޕްރޮސެސްޑް ކާނާ، ނެސްލޭ ކުރީމް، ކޮކޯ ޕައުޑަރު، ބޭކަޑް ބީންސް، ގެރިކިރު ދަޅު، ކެއްކުމަށް ބޭނުންކުރާ ތަކެތި، ސަން ފްލާވަ އޮއިލް، ވެޖިޓަބަލް އޮއިލް، ބާސްމަތި ހަނޑޫ ވެސް އެސްޓީއޯއިން މިފަހަރު ހެޔޮ އަގުގައި ލިބެންހުންނާނެ ކަމަށް އެ ކުންފުނިން ބުނެއެވެ.