ކޮލަމްބިއާގެ މަޝްހޫރު ލަވަކިއުންތެރިޔާ ޝަކީރާ އާއި ބާސެލޯނާ އަދި ސްޕެއިންގެ ފުޓްބޯޅަ ތަރި ޖަރާޑް ޕީކޭ ގެ ކައިވެނި ނިމުމަކަށް ގެނައިތާ އަދި މާ ގިނަ ދުވަހެއް ނުވެއެވެ. މަޝްހޫރު މިފަދަ މީހުންގެ ޒަވާޖީ ހަޔާތަކީ އާންމުންގެ ބޮޑު ޝައުގުވެރިކަމެއް ލިބޭ ކަމަށްވުމާ އެކު ދެމީހުންގެ ޒަވާޖީ ހަޔާން ނިމުކަކަށް ގެނައުމުން އެވާހަކަ ދުނިޔޭގެ މީޑިއާގައިވެސް ވަނީ ފާހަގަ ކުރެވިފައެވެ. މިދެ ފަންނާނުން ވަރިވުމަށްފަހު ޝަކީރާ ގެނެސްދިން އޭނާގެ އެންމެ ފަހުގެ ލަވައިގައި ވަނީ ކުރީގެ ފިރިމީހާ އަށް ވައްބަހުން ޖަހައި ނުސީދާކޮށް ވަރަށް ބޮޑަށް މަލާމަތް ކޮށްފައެވެ. މިދިޔަ ހުކުރު ދުވަހު ރިލީޒްކުރި ލަވައިގެ ބައެއްގައި ވަނީ "ކަސްރަތު ކުރިޔަސް ސިކުންޑި މަސައްކަތް ނުކުރާކަމަށާއި، އާދައިގެ ކާރަކަށް ފެރާރީއެއް ދޫކޮށްލިކަމަށާއި އަދި އާދައިގެ ކެސިއޯ ގަޑިއަކަށް ރެލެކްސް އެއް ދޫކޮށްލި ކަމަޑެވެ."   https://youtu.be/CocEMWdc7Ck ޝަކީރާ އާއި ޕީކޭ ލޯބީގެ ގޮތުން ގުޅިފައިވަނީ 2010 ވަނަ އަހަރު ސައުތު އެފްރިކާގައި ބޭއްވި ވޯލްޑްކަޕް ގެ ޕްރޮމޯޝަނަލް ލަވައެއް ޝޫޓް ކުރުމުގެ ތެރެއިންނެވެ. ޝަކީރާ އާއި ޕީކޭ ވަރިވި އިރު އެދެމީހުންގެ ދެ ފިރިހެން ކުދިންވެސް ތިބެއެވެ.