އެފްއޭ ކަޕްގެ ފައިނަލުގައި މޮޅުވި ލަނޑު ކާމިޔާބުކޮށްދިން މެންޗެސްޓަރ ޔުނައިޓެޑްގެ ޒުވާން ކުޅުންތެރިޔާ މައިނޫގެ މުސާރަ ހަތަރުގުނަ ބޮޑުކޮށް އާ އެއްބަސްވުމެއްގައި ސޮއިކުރުމަށް އެޓީމުން ތައްޔާރުވެފައިވާކަމަށް މީޑިއާ ރިޕޮޓްތައް ބުނެއެވެ.
އާ އެއްބަސްވުމާ އެކު ހަފުތާއަކު 80000 ޕައުންޑްގެ ބޮޑު އާމްދަނީއެއް ލިބޭނެ ކަމަށް ރިޕޯޓްތައް ބުނާއިރު އުމުރުން 19 އަހަރުގެ ފޯވާޑް މައިނޫ ބުނެފައިވާކަމަށް ރިޕޯޓް ކޮށްފައިވަނީ އޭނާ އެ ހުށަހެޅުމާމެދު އުސޫލެއްގެގޮތުން އެއްބަސްވި ނަމަވެސް ގޮތެއް ނިންމާނީ 2024 ވަނަ އަހަރުގެ ޔޫރޯގެ ފަހުން މަޝްވަރާތައް ބޭއްވުމަށްފަހުކަމުގައިއެވެ.
2023 ވަނަ އަހަރުގެ ފެބްރުއަރީ މަހުގެ ތެރޭގައި މެންޗެސްޓަރ އާއެކު ހަދާފައިވާ އެއްބަސްވުން ހަމަވާނީ 2027 އެވެ. އަދި އެ އެއްބަސްވުމުގައިބުނާގޮތުން އިތުރު އެއް އަހަރަށް އެއްބަސްވުން ދަންމާލުމުގެ ފުރުސަތުވެސް އެޓީމަށް ލިބިދީފައިވެއެވެ.
