މިއަދު ހެނދުނު މާލޭގެ ބައެއް ސަރަހައްދުތަކުން ކަރަންޓު ކެނޑިދާނެކަމަށް ސްޓްލްކޯއިން ބުނެފި އެވެ.
ސްޓެލްކޯއިން ބުނީ، އެކުންފުނީގެ ކަރަންޓުގެ ވިއުގަ އަޕްގްރޭޑް ކުރުމުގެ މަސައްކަތަށް، ލޮނުޒިޔާރަތް މަގާއި، ރަތްވިލާ ހިނގުން، އިތުރުން ހިތިގަސް މަގު ހިމެނޭ ސަރަޙައްދުން ކަރަންޓުގެ ހިދުމަތް މެދުކެނޑުން އެކަށީގެންވާ ކަމަށެވެ.
އެހެންކަމުން އެ މަސައްކަތް ކުރުމަށް ހަމަޖެހިފައިވަނީ މިއަދު ހެނދުނު 9:30 އިން 10:30 އަށް ކަމަށް ސްޓެލްކޯއިން ވަނީ ބުނެފައެވެ.
ކަރަންޓު ކެނޑުމާއި ގުޅިގެން އެ ވަގުތުތަކުގައި ދިމާވެދާނެ ދަތިތަަކަށް އެކުންފުނިން މާފަށް އެދޭކަމުގައި ވެސް ސްޓެލްކޯއިން ބުނެފައިވެއެވެ.
