އިންޑިއާއިން ރާއްޖެއަށް ކަނޑައަލާފައި ހުންނެވި ސަފީރު މުނޫ މަހާވަރު ގެ ދައުރު ހަމަވެއްޖެއެވެ.
އިންޑިއާ އިން ރާއްޖެއަށް ކަނޑައަޅުއްވާފައި ހުންނަވާ ސަފީރު މުނޫ މަހާވްރު ސަފީރުކަމުގެ ދައުރު ފުރިހަމަކުރެއްވުމަށްފަހު އެނބުރި ވަޑައިގެންނެވުމުގެ ކުރިން މިއަދުވަނީ ރާއްޖޭގެ ފޮރިން މިނިސްޓަރު ޑރ. އަބްދުﷲ ހަލީލުގެ އަރިހަށް ވަދާއީ ޒިޔާރަތެއް ކުރައްވާފަ އެވެ.
ފޮރިން މިނިސްޓްރީގައި ބޭއްވި އެ ބައްދަލުކުރެއްވުމުގައި މިނިސްޓަރު ޚަލީލް ވަނީ ދެޤައުމުގެ ގުޅުން ބަދަހިކުރެއްވުމަށާއި، ދެޤައުމުގެ ވިޔަފާރީގެ ގުޅުންތައް ބަދަހިކުރުމަށާއި، ދެގައުމުގެ ދެމެދު ކުރެވިފައިވާ މުޙިއްމު މުއާމަލާތްތައް ކާމިތޔާބުކަމާއެކު ކުރެއްވުމުގައި އިންޑިއާގެ ސަފީރު މުނޫ މަހާވްރު އަދާކުރެއްވި މުހިންމު ދައުރު ފާހަގަކުރައްވައި އެމަނިކުފާނަށް ތައުރީފު ކުރައްވާފަ އެވެ.
އަދި އެމަނިކުފާނުގެ ސަފީރުކަމުގެ ދައުރުގެ ތެރޭގައި ރާއްގޭގެ އުމްރާނީ އަދި އިގްދިސާދީ ދާއިރާއިންނާއި އިޖުތިމާއީ ދާއިރާއިން ކޮށްދެއްވާފައިވާ، މިހާރުވެސް ކޮށްދެއްވަމުންގެންދަވާ މުޙިއްމު މަޝްރޫޢުތައް ފާހަގަކުރައްވައި އެކަންކަން ކޮށްދެއްވުމުގައި އެމަނިކުފާނުގެ ބައިވެރިވުމާ އެހީތެރިކަން އަބަދުވެސް ރާއްޖެއިން ފާހަގަކުރާ ކަމަށާއި، އަދި ރޫޕޭ ކާޑު އޮޕަރޭޝަނަލައިޒް ކުރުމާއި، ޔޫޕީއައި ތައާރަފް ކުރުމާއި، ލޯކަލް ކަރަންސީ ޓްރޭޑް އެގްރީމަންޓްތައް ފަދަ މައިލްސްޓޯންތަކަކީ މުނޫ މަހާވަރުގެ ސަފީރު ކަމުގެ ދައުރުގައި ރާއްޖޭގެ އިގްތިސާދަށް އެޅުނު ހަރުދަނާ ފިޔަވަޅެއް ކަމަށް މިނިސްޓަރ ހަލީލު ވަނީ ވިދާޅުވެފައެވެ.
އެ ބައްދަލުކުރެއްވުމުގައި އިންޑިއާ ސަފީރު ވަނީ އެމަނިކުފާނުގެ ސަފީރުކަމުގެ ދައުރުގައި ދިވެހި ސަރުކާރާއި ރައްޔިތުން ދެއްވި ފުރިހަމަ އެއްބާރުލުމާއި ބެހެއްޓެވި ގާތްކަމަށް އިޚްލާޞްތެރިކަމާއެކު ޝުކުރު އަދާކުރައްވާފައެވެ. އަދި އިންޑިއާ އާއި ރާއްޖޭގެ ގުޅުން ކުރިއަށް އޮތްތަނުގައިވެސް ކުރިއަރައި ދެމިއޮތުމަށް އުންމީދު ކުރައްވާ ކަމަށާއި، ރާއްޖޭގެ އެކުވެރިއެއްގެ ގޮތުގައި އަބަދުވެސް އިންޑިއާ ދެމިއޮންނާނެ ކަމަށްވެސް ވިދާޅުވެފައިވެއެވެ.
