ދިވެހިރާއްޖޭގެ ކަނޑުގެ ސަރަހައްދުގައި ޤާނޫނާ ހިލާފަށް މަސްވެރިކަން ކުރަމުންދިޔަ ސްރީލަންކާގެ ތިން މަސްބޯޓެއް މޯލްޑިވްސް ނެޝެނަލް ޑިފެންސް ފޯސް (އެމްއެންޑީއެފް) އިން އަތުލައިގަނެފިއެވެ.
އެމްއެންޑީއެފް އިން ކުރި ޓްވިޓެއްގައި ބުނެފައި ވަނީ ދިވެހިރާއްޖޭ ކަނޑުގެ ސަރަހައްދަށް ވަދެ މަސްވެރިކަން ކުރަން އުޅުނު ތިން ބޯޓެއް އަތުލައިގަނެފައި ވާކަމަށާ، އަދި މިވަގުތު އެތިން ބޯޓު ވަނީ އެމްއެންޑީއެފް ކޯސްޓް ގާޑް ޝިޕް ޣާޒީގެ ބެލުމުގެ ދަށަށް ގެނެސްފައިވާކަމަށެވެ.
ދިވެހިރާއްޖޭގެ ކަނޑުގެ ސަރަޙައްދުގައި ޤާނޫނާ ޚިލާފަށް މަސްވެރިކަން ކުރަމުންދިޔަ ސްރީލަންކާގެ 3 މަސްބޯޓެއް އެމްއެންޑީއެފް ކޯސްޓްގާޑް ޝިޕް ޣާޒީގެ ބެލުމުގެ ދަށަށް ގެނެސްފި. pic.twitter.com/RyLyGvptWI
— Maldives National Defence Force (@MNDF_Official) December 3, 2022
ރާއްޖޭގެ ކަނޑުގެ ސަރަހައްދަށް ގަވައިދާ ހިލާފަށް ވަދެ، މަސްވެރިކަން ކުރާ ބޭރުގެ ބޯޓުތައް ދޭތެރެ ދޭތެރެއިން ދަނީ ފެންނަމުންނެވެ. އެމްއެންޑީއެފް އިން ވަނީ މީގެ ކުރިންވެސް މިކަހަލަ އެތައް ބޯޓެއް އަތުލައިގަނެފައެވެ.
