މާލޭގެ ދެކުުނު ފަރާތުގައިވާ ނީލަން ފިހާރައިގައި ރޯވި އަލިފާން ކޮންމެވެސް ވަރަކަށް ކޮންޓްރޯލްވެެއްޖެ އެވެ.
އެމްއެންޑީއެފްގެ ފަޔާ އެންޑް ރެސްކިއުއާ ހަވާލާދެއްވައި ޑިފެންސް މިނިސްޓަރު މާރިޔާ އަހުމަދު ދީދީ ވިދާޅުވީ ނީލަން ފިހާރައިގައި ރޯވެ އަނދަމުންދާ އަލިފާންގަނޑު އެހެން ތަނަކަށް ފެތުރުމުގެ ބިރެއް މިހާރު ނެތް ކަމަށެވެ. މާރިޔާ މިވަގުތު ވަޑައިގެން ހުންނެވީ އެ ސަރަހައްދުގަ އެވެ.
އެމްއެންޑީއެފްގެ މީޑިއާ އޮފިޝަލް ވިދާޅުވީ ނީލަން ފިހާރައިގައި ރޯވި އަލިފާންގަނޑު އެތަނުގެ އުތުރަށް، އިމާދުއްދީން ސްކޫލާ ދިމާލަށް ފެތުރެމުން ދިޔަ ނަމަވެސް އެލިފާން މިހާރު ކޮންޓްރޯލްކުރެވިފައިވާ ކަމަށެވެ.
"އނީލަން ފިހާރައިގެ އުތުރުފަޅިން [ޢިމާދުއްދީން ސްކޫލްއާއި ދިމާ] ފެތުރެމުންދިޔަ އަލިފާންގަނޑު ކޮންޓްރޯލްވެއްޖެ. އަދި މިހާރު މޯލްޑިވްސް އެއަރޕޯޓް ކޮމްޕެނީ ލިމިޓެޑްގެ އަލިފާން ނިއްވާ ލޮރީވެސް ދަނީ އެ ސަރަހައްދުގައި ހަރަކާތްތެރިވަމުން،" އޭނާ ވިދާޅުވި އެވެ.
Am at #NeelanFihaara site where there is a raging fire. Am told that the fire is somewhat under control & the possibility of the fire spreading is InshaAllah unlikely. Our firefighters together with VIA firefighters doing an admirable job! I thank the public for their cooperation pic.twitter.com/kMu4Mjcy88
— Mariya Didi 🎈 (@MariyaDidi) January 9, 2023
ގިނަ އަދަދެއްގެ ލަކުޑިއާއި ޕްލާސްޓިކުން ފުރިފައިވާ ނީލަން ފިހާރައިގައި ރޯވި އަލިފާނުގެ ސަބަބުން އެ ސަހަރައްދު ބޯ ދުމުން ފުރިފައި ވާއިރު، އެ ސަރަހައްދަށް މީހުން ނުދާން ފުލުހުންވަނީ އިލްތިމާސްކޮށްފަ އެވެ. އެ ސަރަހައްދުގައި ދިރިއުޅޭ މީހުން ރައްކާތެރިކަމުގެ ފިޔަވަޅުތައް އަޅަން ވެސް ފުލުހުން ވަނީ އިލްތިމާސްކޮށްފަ އެވެ.
ނީލަން ފިހާރައިގައި ރޯވި އަލިފާން ކޮންޓްރޯލްކުރީ އެމްއެންޑީއެފްގެ ފަޔާ އެންޑް ރެސްކިއުގެ ސިފައިންނާއި ވެލާނާ އިންޓަނޭޝަނަލް އެއާޕޯޓްގެ ފަޔަމަނުން ގުޅިގެން ކުރި މަސައްކަތުންނެވެ.
މާލޭ ސިޓީ ކައުންސިލުން ބުނި ގޮތުގައި ނީލަން ފިހާރައިގައި ރޯވި އަލިފާންގަނޑު، އެކައުންސިލުގެ ބިދޭސީ މުވައްޒަފުން ތިބޭ އިމާރާތަށް ވަނީ ފެތުރިފަ އެވެ. އެތަނުގައި ތިބި މުވައްޒަފުން މިހާރު ތިބީ އިމާދުއްދީން ސްކޫލްގައި ކަމަށް ވެސް ބުންޏެވެ.
މާލެ ގައި ހުންނަ ނީލަން ފިހާރާއިގައި ރޯވުމުގެ ސަބަބުން މާލެ ސިޓީ ކައުންސިލްގެ ބިދޭސީ މުވައްޒަފުން ދިރިއުޅޭ އެކޮމޮޑޭޝަން ބްލޮކުގައި ވަނީ ރޯވެފައެވެ. މިވަގުތު މުވައްޒަފުން ތިބީ އިމާދުއްދީން ސްކޫލުގައި. pic.twitter.com/liIZL79KNy
— Male' City Council (@MaleCitymv) January 9, 2023
ނީލަން ފިހާރައިގައި މީގެ ކުރިން ވެސް އެތައް ފަހަރަކު ރޯވެ އަނދާފައި ވެ އެވެ.
މިދިޔަ ދެތިން ދުވަހު ރާއްޖޭގެ އެކި ތަންތަނުގައި ބޮޑެތި އަލިފާނުގެ ހާދިސާތައް ވަނީ ހިނގައިފަ އެވެ. އެގޮތުން މިދިޔަ ހޮނިހިރު ދުވަހު ރ. އަލިފުށީ ކުނިގޮނޑުގައި ހުރި ފައިބަރުތަކެއްގައި ރޯވެ އެނދި އިރު އިއްޔެ ވަނީ ގދ. ފިޔޯރީ ސްކޫލްގައި ރޯވެ އަނދައިފަ އެވެ.
