1444 ވަނަ އަހަރު ހައްޖުގެ އަޅުކަން އަދާކުރުމަށް ސައުދީއަށް ދާން ރާއްޖެއަށް، ޖުމްލަ 1000 ޖާގަ ލިބިފައިވާ ކަމަށް އިސްލާމިކް މިނިސްޓަރު ޑރ. އަހްމަދު ޒާހިރު އަލީ ވިދާޅުވެއްޖެއެވެ.
މިނިސްޓަރު ޒާހިރު މިއަދު ކުރެއްވި ޓްވީޓެއްގައި ވިދާޅުވީ 1000 ޖާގައިގެ އިތުރުންވެސް އިތުރު ޖާގަ ހޯދުމަށް މަސައްކަތް ކުރައްވަމުން ގެންދަވާ ކަމަށެވެ.
Saudi sarukaarun dhivehi raahje ah dhehvaa Rasmee 1000 Hahju quota mihaaru vany libifa.
Ithuru quota hodhumuge masahkai migendhany kuramun.— Ahmed Zahir Ali (@AhmedZahirAli) February 22, 2023
މި އަހަރަކީ ކޮވިޑްގެ ބަލިމަޑުކަމަށް ފަހު ލިމިޓްކުރުމެއް ނެތި ސައުދީން ހައްޖަށް މީހުން ގެންދާނެ ފުރަތަމަ އަހަރެވެ.
މިދިޔަ އަހަރު ވެސް ހައްޖަށް ފުރުސަތު ދޭ މިންވަރު މަަދުކޮށްފައިވުމުންގެ ސަބަބުން ރާއްޖެއަށް ލިބުނީ 453 ކޯޓާއެވެ.
ކޮވިޑުގެ ބަލިމަޑުކަމާ ގުޅިގެން 2020 ވަނަ އަހަރު އެއްވެސް އެހެން ގައުމަކުން ހައްޖަށް ދާން ފުރުސަތު ދީފައިނުވާ އިރު، 2021 ވަނަ އަހރު ހައްޖަށް ދާން ފުރުސަތު ދީފައި ވަނީ 58،745 މީހުންނަށެވެ. ކޮވިޑް ހާލަތުގެ ކުރިން ކޮންމެ އަހަރަކު ދެ މިލިއަނަށް ވުރެ ގިނަ މީހުންނަށް ސައުދީން ހައްޖުގެ ފުރުސަތު ދެމުން އަ އެވެ.
