މުޖުތަމައުތައް ތަރައްގީކޮށް ކުރުއެރުވުމުގައި އަންހެނުން އަދާކުރާ ދައުރަކީ އެފަދަ ދެވަނައެއްނުވާ ދައުރެއް ކަމަށް ރައީސުލް ޖުމްހޫރިއްޔާ އިބްރާހީމް މުހައްމަދު ސޯލިހު ވިދާޅުވެއްޖެއެވެ.
ބައިނަލްއަގުވާމީ، އަންހެނުންގެދުވަހުގެ މުނާސަބަތުގައި ރައީސް ސޯލިހް ކުރެއްވި ޓްވީޓެއްގައި ވިދާޅުވީ، އަންހެނުންގެ ދުވަހު ހަނދާން ކުރަންވީ، މުޖުތަމައުތައް ކުރިއެރުވުމުގައި އަންހެނުން އަދާކުރާ ދައުރަކީ އިންކާރުނުކުރެވޭނެ ގޮތުގައި، އެފަދަ ދެވަނައެއްނުވާ ދައުރެއްކަމުގައެވެ.
މިއަހަރުގެ އަންހެނުންގެ ދުވަހުގެ ޝިއާރަކީ "ޑިޖިޓްއޯލް – އިނޮވޭޝަން އެންޑް ޓެކްނޮލޮޖީ ފޯ ޖެންޑާ އީކުއަލިޓީ" ކަމުގައި ވާއިރު، ރައީސް ސޯލިހު ވިދާޅުވީ، ޑިޖިޓަލް މުސްތަގުބަލެއް ބައްޓަން ކުރުމަށް އެ ދާއިރާއިން އަންހެނުން ބާރުވެރި ކުރުވުމަށްޓަކައި ތަފާތުތައް ނައްތާލަން އިސްކަމެއް ދީގެން މަސައްކަތް ކުރަން ޖެހޭނެ ކަމުގައެވެ.
On this International Women’s Day, we are reminded of the undeniably irreplaceable role women play in uplifting our communities. More focus should be devoted to bridging the gender digital divide to ensure women are empowered to shape the digital future.
— Ibrahim Mohamed Solih (@ibusolih) March 8, 2023
ބައިނަލް އަގުވާމީ އަންހެނުންގެ ދުވަހަކީ ކޮންމެ އަހަރަކު ވެސް މާޗް މަހުގެ 8 އެވެ.
