މިއަހަރުގެ ފިތުރުއީދުގައި ވެސް ބޮޑުޖަމާއަތުގައި އީދުނަމާދުކުރުން އޮންނާނެ ކަމަށް އިސްލާމިކް މިނިސްޓްރީއިން ބުނެފިއެވެ.
" އެހެން އަހަރުތަކެކޭ އެއްގޮތަށް މިއަހަރުވެސް މޫސުން ތަންދޭނަމަ މާލޭގައި ފިޠުރު ޢީދު ނަމާދު ބޮޑު ޖަމާޢަތުގައި ކުރާނެ" އެމިނިސްޓްރީއިން ބުންނެވެ.
ބޮޑު ޖަމާޢަތުގައި އީދު ނަމާދުކުރަން ހަމަޖެހިފައިވާ ތަންތަން:
މާލެ- މާފަންނު ސްޓޭޑިއަމްގައި
މާލެ- އިސްލާމީ މަރުކަޒާއި މައިދާން ސަރަޙައްދު
މާލެ- މަސްޖިދުލް މަލިކި ސަލްމާން މިސްކިތާއި މާބްލް ސަރަޙައްދު
ހުޅުމާލެ ފޭސް 1- ހުޅުމާލެ ސިންތެޓިކް ޓްރެކް
ހުޅުމާލެ ފޭސް 2- ކްރިކެޓް ސްޓޭޑިއަމް (H16 އާ ދިމާލަށް އޮންނަ ސަރަޙައްދު)
ވިލިމާލެ- ފުޓްބޯޅަ ދަނޑު
ބޮޑު ޖަމާޢަތުގައި ޢީދު ނަމާދުކުރުމަށް ނިންމިނަމަވެސް މޫސުން ތަންނުދޭނަމަ ހުކުރުކުރާ ހުރިހާ މިސްކިތެއްގައިވެސް ޢީދު ނަމާދުކުރާނެއެވެ.
އީދުނަމާދު ކުރާނީ އީދު ދުވަހުގެ ހެނދުނު 7:30ގައެެވެ. މިނަމާދަކީ ދެޖިންސުގެ ކުދިބޮޑު ހުރިހާ މުސްލިމުން ޖަމާއަތުގައި ކުރާ ނަމާދެކެވެ.
ޢީދުނަމާދަށް ދާ އިރު ސަމާލުކަން ދޭންވީ ކަންތައްތައް ވެސް އިސްލާމިކް މިނިސްޓީއިން ފާހަގަކުރެެވެ.
ޢީދު ނަމާދަށް ވަޑައިގަންނަވާ ފަރާތްތަކުން ސަމާލުކަންދޭންވީ ކަންތައްތައް pic.twitter.com/VK87RvUhhk
— Ministry of Islamic Affairs (@MVIaffairs) April 20, 2023
އެގޮތުން ކޮންމެ މީހަކުވެސް ގެއިން ވުޟޫކޮށްގެން އައުމާ، އަމިއްލަ މުސައްލަ އެއްގެންދިއުމާ، ފެން ފުޅިއަކާ، ފައިވާން ލާނެ ކޮތަޅެއް (ޕްލާސްޓިކް ނޫން) ގެންދިއުމަށް އެ މިނިސްޓްރީއިން އިލްތިމާސްކުރެއެވެ.
