މިއަދު ހެނދުނު ހުޅުމާލެ ފޭސް 2 ގައި ކާރަކާއި ސައިކަލެއް ޖެހި ހިނގި އެކްސިޑެންޓްގައި އަނިޔާވި ޒުވާނާގެ ސިކުނޑިއަށް ލޭ އެޅިފައިވާ ކަމުގައި ފުލުހުން ބުނެފިއެވެ.
ފޭސް 2 ގެ ނިރޮޅު މަގުގައި ހިނގި އެ އެކްސިޑެންޓްގައި އަނިޔާވީ ސައިކަލު ދުއްވަން އިން 18 އަހަރުގެ ދިވެހި ފިރިހެނަކަށެވެ.
މިއަދު 15:30 ހާ އިރު ފުލުހުން ބުނި ގޮތުގައި ، އޭނާގެ ސިކުނޑިއަށް ލޭ އެޅިފައި ހުރުމުން، އޭޑިކޭއަށް ބަދަލު ކުރުމުގެ މަސައްކަތް އެއިރު ދިޔައީ ކުރަމުންނެވެ. އޭގެ ފަހުން އިތުރު މައުލޫމާތެއް އަދި ނުލިބެއެވެ.
އަނިޔާވި ޒުވާނާއަށް ކުރިން ފަރުވާ ދިނީ ހުޅުމާލެ ހޮސްޕިޓަލުގައެވެ.
މިމައްސަލަ ފުލުހުން ދަނީ ތަހުގީގު ކުރަމުންނެވެ.
