ސިނަމާލެ ބްރިޖުމަތިން ކަނޑަށް ފުންމާލި މީހަކު ސަލާމަތްކޮށް ހޮސްޕިޓަލަށް ގެންގޮސްފިކަމަށް ފުލުހުން ބުނެފިއެވެ.
ފުލުހުންގެ މީޑިއާ އޮފިޝަލް " މިނިވަން" އަށް ވިދާޅުވީ، އެ ހާދިސާގެ ރިޕޯޓް ފުލުހުންނަށް ކޮށްފައިވަނީ މިއަދު ހެނދުނު 8:44 ހާއިރުކަމަށެވެ.
" މިހާރު ހޮސްޕިޓަލަށް ގެންގޮސް ފަރުވާ ދެނީ " ފުހުލުންގެ މީޑިއާ އޮފިޝަލް ވިދާޅުވިއެވެ.
ފުލުހުން ބުނީ ބްރުޖިިމަތިން ކަނޑަށް ފުންމާލާފައިވަނީ 41 އަހަރުގެ ދިވެހި ފިރިހެނެއް ކަމަށެވެ. އޭނާ ސަލާމަތްކޮށްފައިވަނީ އެ ސަރަހައްދުން ދަތުރުކުރި ލޯންޗަކުން ކަމަށް ވެސް ފުލުހުން ބުންޏެވެ.
އެކަމާ ގުޅިގެން އަދި އިތުރު ތަފްސީލް މިވަގުތު ދެވެން ނެތްކަމަށް ފުލުހުން ބުންޏެވެ. މޫދުން ނަގައިގެން ގެނައި މީހަކަށް ފަރުވާދޭކަމަށް އައިޖީއެމްއެޗްއިން ބުނި ނަމަވެސް އެމީހާގެ ހާލު އަދި އޮޅުންފިލާގޮތެއްނުވެއެވެ.
