ޅ. ނައިފަރުގައި އަލަށް ތަރައްގީކުރާ ޓެނިސް ކޯޓުގެ މަސައްކަތް މިހާރު ނިމުމަކާ ހަމައަށް އަތުވެއްޖެ ކަމަށް ޔޫތު މިނިސްޓަރު އަހުމަދު މަހުލޫފު ވިދާޅުވެއްޖެއެވެ.
މަހްލޫފު ފާހަގަކުރެއްވި ގޮތުގައި މި ޓެނިސް ކޯޓަކީ މާލެ ފިޔަވައި އެހެން ރަށެއްގައި ފުރަތަމަ ފަހަރަށް ތަރައްގީ ކުރެވޭ ޓެނިސް ކޯޓެވެ. އަދި އޭނާ ވަނީ އެ ކޯޓްގެ ފޮޓޯތަކެއް ސޯޝަލް މީޑިއާގައި ހިއްސާކުރައްވައިފައެވެ.
މާލެ ފިޔަވާ އެހެން ރަށެއްގައި ފުރަތަމަ ފަހަރަށް ތަރައްގީކުރެވޭ ޓެނިސް ކޯޓު ނިމުމަކާއިގާތަށް. @tennismv1 އާއި އެކު މިކޯޓު ގާއިމްކުރެވެނީ ޅ. ނައިފަރުގަ. 🎾🇲🇻 pic.twitter.com/78UDzEr4Q5
— Ahmed Mahloof (@AhmedMahloof) July 4, 2023
މިނިސްޓަރު ވިދާޅުވި ގޮތުގައި ކުޅިވަރަށް މިފަދަ ތަރައްގީއެއް ކުރީގެ އެއްވެސް ސަރުކާރަކުން ގެނެސްދީފައެއް ނުވެއެވެ. އަދި މިފަދަ ކޮންމެ ތަރައްގީއަކާ އެކީ ރައީސް އިބްރާހީމް މުހައްމަދު ސޯލިހުގެ ސަރުކާރުން ވަނީ ކުޅިވަރުގެ އިންފްރާސްޓްރަކްޗާ ތަރައްގީކުރުން ރާއްޖޭގައި މުޅިން އެހެން ހަރުފަތަކަށް ގެންގޮސްފައި ކަމަށް މިނިސްޓަރ ވިދާޅުވިއެވެ.
