ރާއްޖޭގެ ހާރިޖީ ވަޒީރު މޫސާ ޒަމީރު އިންޑިއާގެ އެކްސްޓަރނަލް އެފެއާޒް މިނިސްޓަރ ޑރ. ސުބްރަމާނިއަމް ޖައިޝަންކަރާއި މިއަދު ބައްދަލު ކުރައްވައިފިއެވެ.
މި ބައްދަލުވުމަކީ ޔުގަންޑާގެ ވެރިރަށް ކަމްޕާލާގައި މިހާރު ކުރިއަށްދާ ނަން-އެލައިންޑް މޫވްމަންޓް، ނާމްގެ 19 ވަނަ ސަމިޓުގެ ހަވާސާގެ ތެރޭ ހިމެނިގެން ކުރިއަށްގެންދިޔަ ބައްދަލުވުމެކެވެ.
މި ބައްދަލުވުމުގައި ރާއްޖޭގައި ތިބި އިންޑިއާ ސިފައިން އަނބުރާ އެގައުމަށް ފޮނުވުމާއި ގުޅޭގޮތުންނާއި، އިންޑިއާ ސަރުކާރުގެ އެހީގައި ރާއްޖޭގައި ކުރިއަށްގެންދާ އުމްރާނީ އަދި އިގްތިސާދީ މަޝްރޫޢުތަކުގެ އިތުރުން ރާއްޖޭގައި މިހާރު ދެގައުމުގެ އިސް އޮފިޝަލުންގެ މެދުގައި ކުރިއަށްގެންދާ މަޝްވަރާތަކާ ގުޅޭގޮތުން ވަނީ ވާހަކަދައްކަވާފައެވެ.
It was a pleasure to meet with the External Affairs Minister of #India @DrSJaishankar in the margins of #NAMSummitUg2024.
We exchanged views on the ongoing high-level discussions on the withdrawal of Indian military personnel, as well as expediting the completion of ongoing… pic.twitter.com/viw3fnppY7
— Moosa Zameer (@MoosaZameer) January 18, 2024
މީގެ އިތުރުންވެސް ރާއްޖޭގެ ހާރިޖީ ވަޒީރު މޫސާ ޒަމީރާއި، އިންޑިއާގެ އެކްސްޓަރނަލް އެފެއާޒް މިނިސްޓަރ ޑރ. ސުބްރަމާނިއަމް ޖައިޝަންކަރު ވަނީ ދެގައުމު ހިއްސާވާ ޖަމިއްޔާތަކުގެ ދައުރާއި، ގުޅިގެން ކުރިއަށްގެންދެވޭނެ ކަންތައްތަކާއި ބެހޭގޮތުންވެސް މަޝްވަރާކުރައްވާފައެވެ. މި ބައްދަލުވުމުގައި ރާއްޖޭގެ ހާރިޖީ ވަޒީރު ވަނީ އިންޑިއާ އާއި ރާއްޖެ އޮތް ބަދަހިގުޅުން ކުރިއަށް ގެންދިއުމަށް ކުރިއެކޭ އެއްގޮތަށް ރާއްޖޭގެ ފަރާތުން އެއްބާރުލުން ލިބޭނޭކަން ފާހަގަކުރައްވާފައެވެ.
ރާއްޖެއާ އިންޑިއާ އާ ދެގައުމުގެ ދެމެދު އޮތް ގާތް ގުޅުން މިއިން ޒަމާނަކު ގޯސް ނުވާވަރަށް ގޯސް ވެފައިވާއިރު، ރާއްޖޭގައި ތިބި އިންޑިއާ ސިފައިން ބޭލުމާ ގުޅޭގޮތުން ދެގަުއމުގެ ދެމެދުގެ އޮފިޝަލުންގެ މެދުގައި ދަނީ ސިލްސިލާ ބައްދަލުވުންތަކެއް ބާއްވަމުންނެވެ.
މިހާތަނަށް ބޭއްވި ބައްދަލުވުންތަކަށް ފަހު ދިވެހި ސަރުކާރުން ވަނީ އިންޑިއާ ސިފައިން ގެންދިއުމުގެ ކަންކަން އަވަސްކުރުމަށް އެގައުމުން އެއްބަސްވެފައިވާަކަމަށް ބުނެފައެވެ. ނަމަވެސް އިންޑިއާ ސަރުކާރުން މިކަމާ ގުޅޭގޮތުން އަދި ރަސްމީ ސިފައެއްގައި ވާހަކަ ދައްކާފައި ނުވާކަން ފާހަގަކޮށްލެވެއެވެ.
