އއ. ރަސްދޫގެ އިތުރުވަމުންދާ ފެނުގެ ޑިމާންޑަށް ކޭޓާ ކުރުމަށް އެރަށުގައި އިތުރު 100 ޓަނުގެ އާރު.އޯ ޕްލާންޓް ބަހައްޓައިފިއެވެ.
ސްޓެލްކޯއިން ކުރި ޓުވީޓެއްގައި ބުނެފައިވަނީ، 100 ޓަނުގެ އާރު.އޯ ޕްލާންޓް އެ ރަސްދޫގައިި ބަހައްޓާފައިވަނީ އެރަށުގެ ރައްޔިތުންނަށް ފެންވަރު ރަނގަޅު، ފުރިހަމަ ހިދުމަތެއް ދިނުމަށްޓަކައި ކަމަށެވެ.
ސްޓެލްކޯއިން ބުނީ، މި ޕްލާންޓާއެކު، ރަސްދޫގެ ފެން އުފެއްދުމުގެ ޖުމްލަ ކެޕޭސިޓީ 160 ޓަނަށް އިތުރު ކުރެވިގެން ގޮސްފައިވާކަމަށެވެ. އަދި އެ ޕްލާންޓަކީ ސްޓެލްކޯ ކުންފުނީގެ މުވައްޒަފުން އޭގެ ކޮމިޝަނިން ހުރިހާ މަސައްކަތެއްކޮށް އޮޕަރޭޝަނަށް ގެނައި ފުރަތަމަ ޕްލާންޓްކަމަށް އެ ކުންފުނިން ވަނީ ފާހަގަ ކޮށްފައެވެ.
އއ. ރަސްދޫގެ އިތުރުވަމުންދާ ފެނުގެ ޑިމާންޑަށް ކޭޓާ ކުރުމަށާއި، ރަސްދޫގެ ރައްޔިތުންނަށް ފެންވަރު ރަނގަޅު، ފުރިހަމަ ހިދުމަތެއް ދިނުމަށްޓަކައި، އެރަށުގައި އިތުރު 100 ޓަނުގެ އާރު.އޯ ޕްލާންޓެއް މިހާރު ވަނީ ބެހެއްޓިފައި. މި ޕްލާންޓާއެކު، ރަސްދޫގެ ފެން އުފެއްދުމުގެ ޖުމްލަ ކެޕޭސިޓީ 160 pic.twitter.com/6WhyhGHNCN
— STELCO (@STELCOMALDIVES) June 15, 2023
އެމަސައްކަތުގައި އުޅުއްވި ސްޓެލްކޯ ކުންފުނީގެ ވޯޓާރ، ސުވަރޭޖް އެންޑް ވޭސްޓް މެނޭޖްމަންޓު ޑިޕާޓްމަންޓުގެ މުވައްޒަފުންނަށް އެކުންފުނީގެ މެނޭޖިންގ ޑިރެކްޓާ އަހުމަދު ޝަރީފް ވަނީ އެ މުއައްޒަފުންގެ މަސައްކަތަށް ތަރުހީބު ދެއްވާފައެވެ.
މީގެ އިތުރުން އެ މަސައްކަތަކީ ސްޓެލްކޯއިން މުޅިން އަލަށް ކޮށްފައިވާ ކަމަކަށް ވާއިރު މުއައްޒަފުން ހޯދަފައިވާ ކާމިޔާބީއަށް ޝަރީފް ވަނީ މުއައްޒަފުންނަށް ޝުކުރާއި، މަރުހަބާ ދަންނަވާފައެވެ.
