ވެލާނާ އިންޓަނޭޝަނަލް އެއާޕޯޓު (ވީއައިއޭ) ގައި ކާރަކާއި ޕިކަޕެއްޖެހި ނުރައްކާތެރި އެކްސިޑެންޓެއް ހިނގައިފިއެވެ. މި ހާދިސާއާ ގުޅިގެން ފުލުހުން ބުނީ، އެއާޕޯޓުގައި ކާރަކާއި ޕިކަޕެއްޖެހި އެކްސިޑެންޓެއް ހިނގުމާގުޅިގެން ސީންގައި ފުލުހުން ހަރަކާތްތެރިވަމުން ދާކަމަށެވެ. މި އެކްސިޑެންޓުގައި ކާރު ދުއްވަންއިން މީހާއަށް އަނިޔާވެގެން ފަރުވާދިނުމަށް ހުޅުމާލެ ހޮސްޕިޓަލަށް ގެންގޮސްފައިވާ ކަމަށާއި އޭގެ އިތުރުން ކާރު ފަހަތުގައި އިން މީހާ އަށް ލިބިފައިވާ އަނިޔާތަކަށް އެއާޕޯޓް ކްލިނިކުގައި ފަރުވާދީފައި ވާ ކަމަށް ފުލުހުން ބުންޏެވެ. އަދި ކާރު ފަހަތުގައި އިން މީހާ އަށް ސީރިޔަސް އަނިޔާއެއް ލިބިފައިނުވާ ކަމަށް ވެސް ފުލުހުން ވަނީ ބުނެފައެވެ. މި މައްސަލަ ފުލުހުން ދަނީ ތަހުގީގު ކުރަމުންނެވެ.