މުޙައްމަދު ޢާރިފްމި ސަރުކާރުގެ ބައެއް ވަޒީރުން ފޯނު ނުނެއްގެވުމާއި، ކަންކަން ނުކޮށްދޭ މައްސަލައަކީ ވަރަށް ބޮޑު މައްސަލައެއް ކަމަށް ރައްޔިތުންގެ މަޖިލީހުގެ ދިއްދޫ ދާއިރާގެ މެމްބަރ ލަތީފު ވިދާޅުވެއްޖެ އެވެ.
މިއަދު ބޭއްވި ރައްޔިތުންގެ މަޖިލީހުގެ ޖަލްސާގައި ވާހަކަ ދައްކަވަމުން ދިއްދޫ ދާއިރާގެ މެމްބަރު ލަތީލް ވިދާޅުވީ މި ސަރުކާރުގެ ބައެއް މިނިސްޓަރުން ރައީސް ޑރ. މުހައްމަދު މުއިއްޒަށާއި ރައްޔިތުންނަށް ހިދުމަތް ދިނުމުގައި އިހުލާސްތެރި ނޫން ކަމަށާއި، ބައެއް ވަޒީރުން ފޯނު ނުނެއްގެވުމާއި، ކަންކަން ނުކޮށްދޭ މައްސަލައަކީ ވަރަށް ބޮޑު މައްސަލައެއް ކަމަށެވެ.
ބައެއް މިނިސްޓަރުން ފޯނަށް ޖަވާބު ނުދެއްވާ މައްސަލަ ފާހަގަކުރައްވައި މިއަދުގެ ޖަލްސާގައި ވާހަކަ ދައްކަވަމުން މެމްބަރު ލަތީފް އިތުރަށް ވިދާޅުވީ ދިވެހި ރައްޔިތުންނަށް ބޭނުންވާ ވަރަށް ގިނަ ކަންކަމުގައި މަޖިލީސް މެންބަރުން ވަޒީރުންނަށް ފޯނު ރަންޖެހޭ ކަމަށާއި، ނަމަވެސް ބައެއް މެމްބަރުން ފޯނަށް ޖަވާބު ނުދެއްވާ ކަމަށެވެ.
ބައެއް ވަޒީރުން ހުދު ރައީސުލްޖުމްހޫރިއްޔާއަށް ވެސް އިޚުލާސްތެރިކަމާ އެކު މަސައްކަތްކުރާކަން ނުވަތަ އިހުލާސްތެރިކަމާ އެކު މަސައްކަތްކޮށް ދޭކަން އަޅުގަނޑުމެންނަށް ކަށަވަރެއް ނޫން" މެމްބަރު ލަތީފް ވިދާޅުވި އެވެ.
އިތުރަށް މެމްބަރު ލަތީފް ވިދާޅުވީ ރައީސުލްޖުމްހޫރިއްޔާ އާއި މާ ގާތްވީމަ މާ ގިނަ ދުވަހު މަގާމުގަ ތިބެވޭނެކަމަށް ބައެއް ވަޒީރުންނަށް ހީވާކަހަލަ ކަމަށާއި، އިހްލާތެރިނުވާނަމަ ތިބެވޭނެކަމަށް ހީކޮށްގެންނުވާނެ ކަމަށެވެ.
