ވިޝާން އަޙްމަދުބްރެޒިލްގެ ތަރި، ނޭމާ އާއި ސައުދީ ޕްރޯ ލީގުގެ އަލް ހިލާލްއާ އެކު ހަދާފައިވާ އެއްބަސްވުން އުވާލައިފި އެވެ.
2023 ވަނަ އަހަރު ސައުދީގެ އަލް ހިލާލް އަށް ނޭމާ ސޮއިކޮށްފައިވަނީ 90 މިލިއަން ޔޫރޯގެ އެއްބަސްވުމެއްގައި ނަމަވެސް އަނިޔާގެ މައްސަލަތަކެއް ދިމާވެ އެ ޓީމަށް ކުޅެދިނުމުގެ ފުރުސަތު ނޭމާއަށް ވަނީ ގެއްލިފައެވެ. ނޭމާ މިހާތަނަށް އަލް ހިލާލް އަށް ކުޅެދީފައިވަނީ އެއްމެ 7 މެޗް އެވެ. އެހެންކަމުން މީގެ ކުރިން ވެސް ނޭމާ އާއި އަލް ހިލާލް އާއި ދެމެދު ހަދާފައިވާ އެއްބަސްވުމުގައި ހިމެނޭ ބައެއް ބެނިފިޓްސް ތައް ދެފަރާތުން އެއްބަސްވެގެން އުނިކޮށްފައިވެއެވެ.
އަލް ހިލާލް އާއިއެކު 32 އަހަރުގެ ނޭމާ ހަދާފައިވާ އެއްބަސްވުން އުވާލަން ނިންމާފައި މިވަނީ ދެ ފަރާތުން ވާހަކަދައްކައިގެން އެ ގޮތަށް އެއްބަސްވެގެންކަމަށް އަލް ހިލާލް އިން ބުނެފައިވެއެވެ. އަލް ހިލާލުން ވަނީ ނޭމާ އެ ކްލަބަށް ކޮށްދިން މަސައްކަތަށް ޝުކުރު އަދާކޮށް، ކުރިމަގުގައި އޭނާއަށް ކާމިޔާބީ އަށް އެދިފަ އެވެ.
