މުޙައްމަދު ވިޝާންތުރުކިޔޭގެ ފެނަބާޗޭގެ ކޯޗު ހޯސޭ މޮރީނިއޯ ވާދަވެރި ގަލަތަސަރާއީގެ ކޯޗު އޮކާން ބުރުކް އަށް ހަމަލާދިންކަމަށް ގަލަތަސަރާއީއިން ބުނެފި އެވެ.
ޓާކިސް ކަޕްގައި މި ދެ ޓީމު ރޭ ފެނަބާޗޭގެ ދަނޑުގައި ބައްދަލުކުރި މެޗުން 2-1 ގެ ނަތީޖާއަކުން ފެނަބ
ާޗޭ ވަނީ ބަލިވެ މުބާރާތުން ކަޓާފަ އެވެ. ދެ ޓީމުގެ ފަރާތުންވެސް ވާދަވެރި ކުޅުމެއް ފެނިގެން ގޮސްފައިވާ މި މެޗުގައި ރެފްރީ ވަނީ ތިން ރަތް ކާޑު ދައްކާފަ އެވެ. އެ ގޮތުން ގަލަތަސަރާއީގެ ދެ ކުޅުންތެރިންނަށް ރަތް ކާޑު ދައްކާފައިވާއިރު ފެނަބާޗޭގެ އެއް ކުޅޫންތެރިއަކަށް ރެފްރީ ވަނީ ރަތް ކާޑު ދައްކާފަ އެވެ.
މެޗް ނިމުނު ފަހުން ދެ ކޯޗުން ވަނީ ދަނޑު މައްޗަށް އަރާ ރެފްރީ އާއި ވާހަކަ ދައްކާފަ އެވެ. އެ މައްސަލަތަކުގެ ތެރޭގައި ދެން ފެނިގެންދިޔައީ އޮކާން ބުރުކް މޫނުމަތީގައި އަތް އަޅައިގެން ދަނޑު މައްޗަށް ވެއްޓުނު މަންޒަރެވެ.
މެޗަށްފަހު ގަލަތަސަރާއީގެ ނައިބް ރަސީސް މެޓިން އޮޒްޓޫކް ބުނެފައިވަނީ ރެފްރީންނާއި ވާހަކަ ދެއްކުމަށްފަހު މޮރީނިއޯ އޮކާންގެ ފަހަތުނ
ް އައިސް އޭނާގެ ނޭފަތުގައި ޖަހާފައިވާ ކަމަށެވެ. އަދި މެޗަށްފަހު އޮތް ނޫސްވެރިން ބައްދަލުވުމުގައި ކޯޗު އޮކާން ބުނެފައިވަނީ އޭނާ އާއި މޮރީނިއޯ އާއި ދެމެދު އެއްވެސް މައްސަލައެއް ނެތް ކަމަށާއި ނަމަވެސް އޭނާގެ ނޭފަތުގައި މޮރީނިއޯ ޖަހާފައިވާ ކަމަށާއި ނަމަވެސް ޓީމުތަކުގެ ކޯޗުންގެ ފަރާތުން މިއަށްވުރެ ރަގަޅު އަހުލާގެއް ފެންނަން ޖެހޭނެ ކަމަށާއި އޭނާ މި މައްސަލަ އިތުރަށް ބޮޑުކުރަން ބޭނުންނުވާ ކަމަށެވެ.
ޓާކިޝް ލީގުގެ މިދިޔަ ފެބްރުއަރީ މަހު މި ދެ ޓީމު ބައްދަލުކުރި މެޗަށްފަހު ގަލަތަސަރާއީގެ އޮފިޝަލުންނާއި ނަސްލީގޮތުން ދިމާކޮށްފައިވާކަމަށް ބުނެ މޮރީނިއޯ އެ ގައުމުގެ ފުޓްބޯޅަ ފެޑަރޭޝަނުން ވަނީ ހަތަރު މެޗަށް ސަސްޕެންޑްކޮށް 35194 ޕޮއިންޑުން ޖުރިމަނާކޮށްފަ އެވެ.
