މާލެއިން ހޯދި 13 ކިލޯގެ މަސްތުވާތަކެތީގެ މައްސަލައިގައި ހަ މީހަކު ހައްޔަރުކޮށްފައިވާ ކަމަށް ފުލުހުން ބުނެފިއެވެ.
ފުލުހުންގެ ކައުންޓާ ނާކޯޓިކްސް އިންޓެލިޖެންސާއި ޑްރަގް އެންފޯސްމަންޓް ގުޅިގެން މާލެ އާއި ހުޅުމާލޭގެ ބައެއް ތަންތަން ހިންގި އެ އޮޕަރޭޝަނުގައި ހައްޔަރު ކުރީ ހަ ފިރިހެނުން ކަމަށް ފުލުހުން ބުންޏެވެ. ނަމަވެސް އެމީހުންގެ ވަނަވަރު ފުލުހުން ހާމައެއް ނުކުރެ އެވެ.
މާލޭގެ ދެ ގެއަކާއި ހުޅުމާލޭގެ ގެސްޓްހައުސްއެއް ފާސްކުރުމަށްފަހު 13.56 ކިލޯގެ މަސްތުވާތަކެތީގެ އިތުރުން 644،000 ރުފިޔާ ފުލުހުން ހޯދީ މީގެ 2 ދުވަސް ކުރިންނެވެ.
In an operation conducted last night by @PoliceMv’ Counter-Narcotics Intelligence and Drug Enforcement teams, 13.56 kgs of narcotic drugs & MVR 644,020 in cash were found and seized. From two houses in Male’ city and a guest house in HulhuMale’. The crackdown on drugs will go on! pic.twitter.com/v5ysw6uuYK
— Mohamed Hameed (@M_Hameedh) November 18, 2022
ފުލުހުން ބުނީ މިދިޔަ ހަތަރު އަހަރުގެ ތެރޭގައި އެއް ޓަނު 600 ކިލޯއަށް ވުރެ ގިނަ މަސްތުވާތަކެތި ހޯދާފައިވާ ކަމަށެވެ.
