އިސްލާމިކް މިނިސްޓްރީގެ ދީނީ ޗެނަލް ކަމަށްވާ "ނޫރު ޓީވީ" މި ޖެނުއަރީގައި ފަށާނެ ކަމަށް އިސްލާމިކް މިނިސްޓަރު ޑރ. މުހައްމަދު ޝަހީމު އަލީ ސައީދު ވިދާޅުވެއްޖެއެވެ.
މީގެ ހަފްތާއެއް ކުރިން ދީނީ ޗެނަލެއް އުފައްދަން އުޅޭކަން އިއުލާން ކުރައްވާ އެ ޗެނަލަށް ކިޔާ ނަމެއް ހޯދުމަށް މިނިސްޓަރު ޝަހީމް ވަނީ އާންމުންގެ ހިޔާލު ހޯއްދަވާފައެވެ.
އެގޮތުން މިނިސްޓަރު ޝަހީމް ވަަނީ ދީނީ ޗެނަލަށް ކިޔާނެ ނަމަކީ "ނޫރު ޓީވީ" ކަމަށް ހާމަކުރައްވާފައެވެ. އަދި މި ޗެނެލް މި މަހުގެ 25 ގައި ލޯންޗް ކުރާނެ ކަމަށް އެ މިނިސްޓަރީއިން ވަނީ މީގެ ކުރިން ބުނެފައެވެ.
އެ ޗެނަލަކީ ދީނީ މައުލޫމާތު ފަތުރައި، ދީނީ ކަންކަމަށް ހޭލުންތެރިކަން އުފެއްދުމުގެ މަގުސަދުގައި އިސްލާމިކް މިނިސްޓްރީއިން އުފައްދާ ޓީވީ ޗެނެލެކެވެ.