އިމިގްރޭޝަން ކޮންޓްރޯލަރުގެ މަގާމަށް ކޮމިޝަނަރ އޮފް ޕޮލިސް ރިޓަޔަރޑް އަހުމަދު ފަސީހު އައްޔަން ކުރައްވައިފި އެވެ.

ރައީސް ޑރ. މުހައްމަދު މުއިއްޒު، އިމިގްރޭޝަން ކޮންޓްރޯލަރުގެ މަގާމަށް ކޮމިޝ ަނަރ އޮފް ޕޮލިސް ރިޓަޔަރޑް ފަސީހު އައްޔަން ކުރައްވާފައިވަނީ ސްޓޭޓް މިނިސްޓަރ ގެ ފެންވަރުގައެވެ، އެ މަގާމަށް ފަސީހު އައްޔަނުކުރައްވާފައި މިވަނީ އެ މަޤާމުގައި ހުންނެވި ޝަމްއާން ކުއްލިގޮތަކަށް އެމަގާމުން ވަކިކުރެއްވުމަށްފަހުގައެވެ.

ޝަމްއާން މަގާމުން ވަކިކުރިއިރު ފުލުހުން މިރޭ ވަނީ، މޯލްޑިވްސް އިމިގްރޭޝަންގެ ބައެއް މުވައްޒަފުން މަގާމުގެ ނުފޫޒު ބޭނުންކޮށްގެން ބިދޭސީންގެ އަތުން ނާޖާއިޒް މަންފާ ހޯދަމުންދާ ކަމުގެ މައުލޫމާތު ލިބިގެން އެކަމާ ގުޅޭ ތަހުގީގެއް ފަށައި، އެ ތަހުގީގާ ގުޅިގެން މާލޭ ގެއެއް ބަލައި ފާސްކޮށް 3 މީހަކު ފުލުހުންގެ ބެލުމުގެ ދަށަށް ގެންގޮސްފައިވާ ކަން ހާމަކޮށްްފައިވަނިކޮށެވެ.

ކ ޮންޓްރޯލަރ ޖެނެރަލް އޮފް އިމިގްރޭޝަންގެ މަޤާމަށް ، ސްޓޭޓް މިނިސްޓަރ ފެންވަރުގައި ، ކޮމިޝަނަރ އޮފް ޕޮލިސް (ރިޓަޔަރޑް) އަޙްމަދު ފަޞީޙް ރައީސުލްޖުމްހޫރިއްޔާ ޢައްޔަންކުރައްވައިފި.

— Heena Waleed (@MvSpokesperson) March 20, 2025

ކުރީގެ ކޮމިޝަނރ ފަސީހް އަކީ އެމްޑީޕީގެ ފުރަތަމަ ވެރިކަމުގައި 2008 އިން 2012 އަށް ފުލުހުންގެ ކޮމިޝަނަރ ކަން ކުރައްވާފައިވާ ބޭފުޅެކެވެ.