އަންހެނުން ބޮލުގައި ކަޅު ނޫން ކުލައެއް ޖެއްސުމާއި، ފިރިހެނުން މޭކްޕްކުރުން ސިވިސްސާވިސް މުވައްޒަފުންނަށް މަނާކޮށް ސިވިސްސާވިސް މުވައްޒަފުން ހެދުންއެޅުމުގެ ގަވާއިދު އިސްލާހް ކޮށްފި އެވެ.

ސިވިލްސާވިސް މުވައްޒަފުން ހެދުން އެޅުމުގެ ގަވާއިދު އިސްލާހުކޮށްފައ ި މިވަނީ ސިވިލްސާވިސް މުވައްޒަފުން ހެދުން އެޅުމުގެ ގަވާއިދު އިސްލާހު ކުރުމަށް ސިވިލް ސަރވިސް ކޮމިޝަނަށް ދަންނަވާފައިވާކަން ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު އިޢުލާން ކުރެއްވިތާ 10 ވަނަ ދުހު އެވެ.

މި މަހުގެ 20 ވަނަ ދުވަހުގެ ރޭ ހުޅުމާލެ ފޭސް-1 ގެ ރައްޔިތުންނާ ބައްދަލުކުރައްވައި ދެއްކެވި ވާހަކަފުޅުގައި ވިދާޅުވީ ސިވިލް ސަރވިސް މުވައްޒަފުން ހެދުން އެޅުމުގެ މިންގަނޑުތައް ފަހަކަށް އައިސް އިޖުތިމާޢީ މިންގަނޑަށްވުރެ ދަށްވެފައިވާ ކަމުގެ ޝަކުވާތައް ގިނަ ބަޔަކު ސަރުކާރާ ހިއްސާކުރަމުންދާ ކަމަށާއި، އެހެންކަމުން ސިވިލްސާވިސް މުވައްޒަފުން ހެދުން އެޅުމުގެ ގަވާއިދު އިސްލާހު ކުރުމަށް ސިވިލް ސަރވިސް ކޮމިޝަނަށް އެމަނިކުފާނު ދަންނަވާފައިވާކަމަށެވެ.

ދިވެހި ސިވިލް ސާވިސް ގަވާއިދު 2014 އަށް 15 ވަނަ އިސްލާހު ގެނައުމުގެ ގަވާއިދު މިއަދު މިއ ަދު އާންމުކޮށްފައިވާއިރު އެ ގަވާއިދުގައިވާގޮތުން އަންހެން މުވައްޒަފުންގެ ހެދުން ފައިގެ ތަނބިކައްޓަށްވުރެ ކުރުވެގެންނުވާނެ އެވެ. އަދި ހެދުމުގެ ގޮތުގައި ބޭނުންކުރެވޭނީ ދިވެހި ލިބާހާއި އޮފީސް ހެދުމެވެ. އަދި ހެދުން ފަހާފައި ހުންނަންވާނީ އޮފީސް މާހައުލާ ގުޅޭ ފޮއްޗަކުންނެވެ.

މީގެ އިތުރުން އަންހެން މުވައްޒަފުންގެ ބޮލުގައި ކަޅު ނޫން އެހެންކުލައެއް ޖެއްސުމަކީވެސް ނުވަތަ ކުލައަކުން ޝޭޑް ކުރުމަކީވެސް މަނާ ކަމެކެވެ.

އެ އިސްލާހުގައިވާހގޮތުން ފިރިހެން މުވައްޒަފުން އޮފީހަށް އަންނައިރު މޭކްޕް ކުރުމާއި އަނގޮނޓި ފިޔަވައި ގަހަނާއެއް އެޅުން މަނާ ކޯސްފައިވާއިރު، ހެދުމުގެ ގޮތުގައި ބޭނުންކުރެވޭނީ އަތްދިގު ގަމީހާއި އަތްކުރު ގަމީހާއި ބުޝް ގަމީހެވެ. އަދި ބެގީކޮސްފައި ހުންނަންވާނީ ބެލްޓް ނޮފޮރުވޭ ވަރަށެވެ.