މިނިވަންހިޔާޅުފާޅު ކުރުމުގެ މިނިވަންކަން ނުވަތަ މީޑިއާގެ މިނިވަންކަމާ ގުޅޭގޮތުން އިސްރާއީލްގެ ބޮޑުވަޒީރު ނަތަންޔާހޫ އާއި ރައީސް ޑރ މުއިއްޒު ގެ ވިސްނުން ހުރީ ވަރަށް އެއްގޮތަށެވެ.
އެދެބޭފޫޅުން ވެސް މީޑިއާއާއި ގުޅޭގޮތުން ދައްކަވާފައިހުރި ވާހަކަތައް ހުރީ ދާދި އެއްގޮތަކަށެވެ. އެގޮތުން މީޑީއާގެ މިނިވަންކަމާ ގުލޭގޮތުން
މިހާރު ރައްޔިތުންގެ މަޖިލީހަށް ހުށަހަޅާފައިވާ ބިލުގެ މައްސަލާގައި ގިނަ ފަރާތްތަކަކުން ފާޑުކިޔަމުންދާ ދަނޑިވަޅެއްގައި، ގައުމީ ދުވަސް ފާހަގަކުރުމަށް ހއ އުތީމުހގައި ބޭއްވި ރަސްމީ ޖަލްސާގައި ވާހަކަފުޅު ދައްކަވަމުން ރައީސް ޑރ މުއިއްޒު ވިދާޅުވީ، ހިޔާޅުފާޅުކުރުމުގެ މިނިވަންކަމަކީ ވަކި ހުދޫދުތަކެއް އޮންނަން ޖެހޭ ކަމެއް ކަމަށާއި، ވާހަކައެއް ބުނުމުގެ، ލިޔުމުގެ މިވަންކަމަކީ ވަކި ހުދޫދުތަކެއް އޮންނަންވާނެ ކަމެއް ކަމަށެވެ.
ނަމަވެސް ފުރިހަމަ ދިމިގްރާތީ ނިޒާމް ތަކުގައި މީޑިއާތަކުން ފަތުރާ މައުލޫމާތަކީ އެންމެ ފުރިހަމަ މައުލޫމާތު ނެތި ނުވަތަ ކަމުގެ ހަގީގަތް އޮޅޭގޮތަށް ގެނެސްދީފައިވާ މައުލޫމާތެއްނަމަ އެ މައުލޫމާތެއް ރައްދުވި ފަރާތަކުން އެކަމުގެ ހަގީގަތް ހާމަކޮށް މީޑިއާތަކާ އެ މައުލޫމާތު ހިއްސާކުރުމުން އެކަންވެސް މީޑިއާތަކުން ގެނެސްދޭނެ އެވެ. އެހެންކަމުން އެ ފަދަ މުޖުތަމައު ތަކުގައި މީޑިއާ އަކީ ވެރިން ވެރިން ބިރުގަންނަ އެއްޗަކަށް ނުވެއެވެ.
އެއާ ހިލާފަށް މީޑިއާ އަކުން ކަމެއް ހާމަކުރުމުން އެކަމުގެ ދިފާއުގައި ނުވަތަ
އަސްލުކަންވީގޮތް ހާމަކުރަން ނުކެރޭފަދަ ނޭއްގާނީ ކަންކަން ކުރާ ފަރާތްތަކުން އެފަދަ ވާހައެއް މީޑިއާ އަކުން ގެނެސްދިނުމުން ދިފާއުގައި ދައްކާނެ ވާހަކައެއް ނެތުމަކީ އެފަދަ ވާހަކަތައް ގެނެސްދޭ މީޑިއާތައް ކަސްތޮޅު އަޅުވާ އެއް ސަބަބެވެ.
ދިމިގްރާތީ ނިޒާމް ތަކުގައި 4 ވަނަ ބާރެއްގެ ގޮތުގައި މިންކުރާ މީޑިއާ އަކީ ރައްޔިތުންނާ ހަމައަށް ގައުމުގެ ކަންކަން އަދި ވެރިންގެ ކަންކަން ވެސް ތިލަކޮށްދޭ މެދުވެރިޔާ އެވެ. އަދި މުވައްސަސާތަކުން ނުވަތަ ވެރިން ކުރާ ނޭއްގާނީ އަމަލުތަކާއި، ގައުމަށް އެންމެ ލާބައާއި މަންފާ ހުރި ގޮތް ނޫން ގޮތްގޮތަށް ހިންގާ ސިޔާސަތު ތަކާ ގުޅިގެން ގައުމަށާއި ރައްޔިތުންނަށް، ކަމުގެ ހަގީތަ ހާމަކޮސްދީ ދިރާސީ މައުލޫމާތުތައް ގެނެސްދިނުމުގައި މީޑިއާ ދަނީ ވަރަށް މުހިއްމު ރޯލެއް އަދާކުރަމުންނެވެ.
ޤައުމީ ދުވަހު މުއިއްޒު ގެ މޫނު މަތިން ސިފަވެގެން ދިޔައީ ނަތަންޔާހޫ. ދުނިޔޭގައި ނޫސްވެރިންގެ ޙައްގެއް ނެތް ކަމަށް ޤަބޫލު ކުރާ ތިބީ ދެމީހަކު. އެ ދެ ޔަހޫދީންގެ ވެސް ބަސްމަގާއި ބަހުރުވަ ހުރީ ހަމަ ދާދި އެއް ގޮތަކަށް. pic.twitter.com/vTLGD7djJY
— Dhiyavaru (@DhiyavaruNews) August 25, 2025
އެގޮތުން އިސްރާއީލުން ފަލކަސްތީނުގެ ރައްޔިތުންނާ މެދު ހިންގާ ލާއިންސާނީ އަނިޔާވެރިކަން މުޅިދުނިޔެއަށް ހާމަކުރަމުންގެންދިއުމަކީ މީޑިއާ ތަކުން ފިތުނަ އުފެއްދުން ކަމަށް ނަތަންޔާހޫ ގަބޫލުކުރައްވައެވެ. އަދި ހާމައަށް އަދި ލައިވް ކޮށް ފަލަސްތީނުގެ ބިމުން ގެނެސްދޭ މަންޒަރުތަކަކީވެސް މީޑިއާތަކުން ފިތުނަ އުފައްދަން ކުރާ ކަންކަން ކަމަށް ނަތަންޔާހޫ ވެސް ދަނީ ބުނަމުންނެވެ.
އެހެންކަމުން ރައީސް މުއިއްޒު އާއި ނަތަންޔާހޫވެސް މީޑިއާ ސިފަކުރައްވަނީ ފިތުނަ އުފައްދާ ބައެއްގެ ގޮތުގައި ކަމުން އެ 2 ބޭފުޅުންވެސް މީޑިއާގެ މިނިވަންކަމާމެދު ދެކިލައަވާ ގޮތް ދާދި އެއްގޮތެވެ.
