މިނިވަންއާ ގަނޫނުއަސާސީގެ ދަށުން ގެނައި ވެރިކަމުގެ ނިޒާމާއި ދައުލަތް ހިންގުމުގެ ނިޒާމުގެ ތެރެއިން މައިގަނޑު 3 ބާރުގެ ވެރިން ފިޔަވައި، އެންމެ ބާރުގަދަ ނުވަތަ އެންމެ ގިނަ މުވައްޒަފުންނާއި، ވަސީލަތާއެކު ހިންގުމުގެ އިހްތިޔާރު ލިބިފައިވާ މުވައްސަސާއަކީ މާލޭ ސިޓީ ކައުންސިލް އެވެ.
އާ ގާނޫނުއަސާސީގެ ދަށުން ވެރިކަން ކުރަން ފެށިފަހ
ުން، ރައީސުންނަށް ވެރިކަމުގެ ދައުރުގެ ތެރެއިން އެންމެ ބޮޑު ވާދަވެރިކަމެއް ފެންނަމުންދިޔައީ ވެރިކަން ކުރާ ޕާޓީގެ ތެރެއިން މާ ބާރުގަދަ މީހުން އުފެދުމެވެ.
އެ ގޮތަށް އުފެދޭ ފަރާތަކީ ކެބިނެޓް މިނިސްޓަރެއް ކަމަށްވިޔަސް އިންތިހާބު ކުރާ މަގާމަކަށް ހޮވާފައި ހުންނަ ފަރާތެއް ވިޔަސް ކަން އޮތީ މިހެންނެވެ. އެގޮތުން ރައީސް ޔާމީނުގެ ވެރިކަމުގެ ދައުރުގެ ތެރެއިން އުފެދުނު ބާރުދަ އެއް ފަރާތަކީ ޓްރީޒަމް މިނިސްޓަރު ކަމުގައިހުންނެވި އަހްމަދު އަދީބު އެވެ. އަޙްމަދު އަދިބު ވެގެންދިޔައީ ވެރިކަމުގެ ދައުރުގެ ތެރެއިންވެސް ރައީސް ޔާމީނުގެ ވެރިކަމަށް އޮތް ވަރަށް ބޮޑު ގޮންޖެހުމަކަށެވެ.
ނަމަވެސް ރައީސް ޑރ މުއިއްޒުގެ ސަރުކާރު މިހާ ހަމައަށް ހިންގާފައިވަނީ މިދެންނެވި ފަދަ މާ ބާރުގަދަ ފަރާތެއް ނެތިކަން
ފާހަގަކުރެވެއެވެ. އެހެންކަމުން ޕީއެންސީގެ ވެރިކަމެއް ގައި މާލޭސީޓީ ކައުންސިލްގެ މޭޔަރުކަމަށް ޕީއެންސީގެ ފަރާތެއް ހޮވިއްޖެ ނަމަ އެ ފަރާތެއް ވެގެންދާނީ، ވަރަށް ބޮޑެތި އިހްތިޔާރާއި ބާރު ލިބިފައިފައިވާ މިނިވަން ބާރުވެރި ފަރާތަކަށެވެ. އެކަން އެހެން ވެއްޖެނަމަ ވެރިކަން ކުރާ ޕާޓީގައި ރައީސް ގެ އިތުރުން އިންޑިޕެނޑެންޓް ބާރުގަދަ ފަރާތެއް އެ އުފެދުނީއެވެ.
ރާއްޖޭގެ ސިޔާސީ މައިދާނުން މީގެ ކުރިން ފެނިގެންގޮސްފައިވާ ކަންކަމަށް ބަލާއިރު ރައީސަކަށް ހުންނަ މީހަކަށް ޕާޓީ ކޮންޓްރޯލްކޮށް ވެރިކަމުގެ ބަދަހިކަން ދެމެހެއްޓުމަށްޓަކައި، އިތުރު ބާރުވެރި ފަރާތެއް އުފެދުން ވެގެންގޮސްފައިވަނީ ވެރިކަމުގެ ބާރުވެރިކަމަށް ލިބޭ ހީނަރު ކަމެއް ކަމަށެވެ.
ރައްޖޭގެ ސިޔާސީ ކަންކަން މިހާރު ހުރިމަގަށް ބަލާއިރު ރައީސް އަށް އެންމެ ރަނގަޅު ގޮތެއް ކަމުގައި ވާނީ ރައީސް އަށް މާބޮޑު ޕްރެޝަރެއް ނުދޭނެ، އިދިކޮޅު ޕާޓީގެ ފަރާތަކަށް މާލޭ ސިޓީ ކައުންސިލް ދޫކޮށްލުމެވެ.
އެގޮތުން އެމްޑީޕީން މާލޭ ސިޓީ ކައުންސިލްގެ ޕަރައިމަރީގައި ވާދަކުރާ 2 ފަރާތުގެ ތެރެއިން މިހާރުގެ މޭޔަރ އާދަމް އާޒިމް އިތުރު ދައުރަކަށް ގެނައުމަކީ ސިޔާސީ ގޮތުން ކުރުން ވަރަށް ގާތް ކަމެކެވެ. އެކަމުގައި ނިންމުމެއް ނިންމަން ވެސް ވަރަށް ފަސޭހަކަމަކަށްވާނެ ކަމަށްވެސް ބެލެވެ އެވެ.
އެކަމުގެ ސަބަބުތަކުގެ ތެރޭގައި އާޒަމް އާޒިމް ގެ އެއްބަނޑުއެއްބަފާ ބޭބެ އާއި އާއިލީ އެހެން މެންބަރުން ސަރުކާރުގެ އިސް މަގާމުތަކުގައި ތިއްބެވުމާއި، އާއިލީ ކުންފުންޏަށް ސަރުކާރުގެ ތެރެއިން ލިބެމުންދާ ވިޔަފާރީގެ ފުރުސަތުތައް ހިމެނެ އެވެ. އަދި ވޭތިވެގެން މިދިޔަ 2 އަހަރު އާޒިމް އާޒިމްގެ ފަރާތުން ރައީސް އަށް މާބޮޑު ޕްރެޝަރެއް ކޮށްފައި ނެތުންވެސް އެ ކަމަށް ބާރުލިބިދޭ ކަމެއްކަމުގައި ގިނަބަޔަކު ދަނީ ބުނަމުންނެވެ.
ކަންކަން މިހެން ހުރުމުން ސަރުކާރަށް ޕްރެޝަރ ކުރާ ފަރާތަކަށް ނުވަތަ ސަރުކާރު ބަލިކަށިކުރަން މަސައްކަތް ކުރާ ފަރާތަކަށް އާދަމް އާޒިމް ނުވާނެ ކަމަށް ގިނަ ފަރާތްތަކަކުން ދެކޭދެކުންވެސް އެއީ ސަރުކާރުންވެސް އެ ވިސްނުމަށް ހިނގައިދާނެ ކަމަށް ބެލެވޭ އެއް ކަންކަމުގައި ފާހަގަކުރެވެއެވެ.
އެހެންކަމުން ހުރިހާ ގޮތަކުންވެސް ސަރުކާރަށާއި ރައީސަށް އެންމެ ރަނގަޅު ގޮތެއް ކަމަށް ބެލެވެނީ އާދަމް އާޒިމް އަށް އިތުރު ދައުރެއް ދިނުން ކަމަށް ބެލެވޭތީ އާދަމް އާޒިމް އަށް އެމްޑީޕީގެ މޭޔަރ ޓިކެޓް ލިބިއްޖެ ނަމަ ޕީއެންސީން މާލެސިޓީގެ މޭޔަރ ގޮޑި ކާމިޔާބުކުރުމަށް މާބޮޑު މަސައްކަތެއް ނުކުރުމަކީވެސް ވެދާނެ ކަމެއްކަމުގައި ގިނަ ބަޔަކު ދަނީ ފާހަގަކުރަމުންނެވެ.
