މާލެ ސިޓީގެ މޭޔަރުގެ މަގާމަށް އެމްޑީޕީ ޓިކެޓް 2 ވަނަ ފަހަރަށް ހޯއްދެވުމަށް މޭޔަރު އާދަމް އާޒިމް ގެންދަވަނީ ވަރަށް ވަރުގަދަ ކެމްޕެއިނެއް ކުރައްވަމުންނެވެ. 

މާލޭސިޓީ ކައުންސިލްގެ މޭޔަރުކަން އެމްޑީޕީއަށް ލިބުމާއެކު އެމްޑީޕީ މެމްބަރުން އެންމެ ބޮޑު އުންމީދެއް ކުރީ މާލެސިޓީ ކައުންސިލްގެ މޭޔަރުކަމުގައި ރައީސް މުއިއްޒު ކުރައްވާފައިވާކަމަށް އަޑުތައް ފެތުރިފައިވާ ބޮޑެތި ވައްކަމާއި ހިންގަވާފައިވާ ކަމަށް އަޑުތައް ފެތުރިފައިވާ ބޮޑެތި ޖަރީމާތަކާ ގުޅޭގޮތުން އައު މޭޔަރުގެ ފަރާތުން ޖަވާބެއް ލިބޭނެ ކަމަށެވެ.

ނަމަވެސް ކަންތައް ވެގެންދިޔައީ އެމްޑީޕީ މެންބަރުން ހީކުރި ގޮތަކަށް ނޫނެވެ. އެ ތުހުމަތުތަކާ ގުޅޭ އެއްވެސް ކަމެއް މޭޔަރު އާޒިމް ހާމަކުރައްވާފައެއް ނުވެއެވެ. އެ ކަންކަން ހާމަނުކުރުމުގެ އިތުރުން އެކަންކަން އޮޅުންފިލުވުމަށް އެކިފަރާތްތަކުން ކޮށްފައިވާ މަސައްކަތަށްވެސް އެއްބާރުލުން ދިންތަނެއް މޭޔަރު އާދަމް އާޒިމްގެ ފަރާތުން ފެނިގެންގޮސްފައެއް ނުވެއެވެ.

ނަމަވެސް އަނެއްކާވެސް އިންތިހާބު ގާތްވުމުން އެމްޑީޕީ މެންބަރުން ރުއްސުމަށް މިހާރުގެ ންދަނީ އެ ކައުންސިލްތެރޭގައި ކުރިން ކަންކަން ކޮށްފައިވާ ގޮތުގެ މައުލޫމާތު ކޮންމެވެސް ވަރަކަށް ހާމަކުރަމުންނެވެ. މޭޔަރުގެ ފަރާތުން އެމްޑީޕީ މެންބަރުން އުންމީދުކުރިވަރާ ގާތަށްވެސް އެކަންކަން އާޒިމް ކޮށްފައިނުވާކަމަށް އެމްޑީޕީގެ މެންބަރުން ދަނީ ބުނަމުންނެވެ.

ކަން މިހެން އޮތް އިރު ރޭ ބޭއްވި ކެމްޕޭނު އިވެންޓެއްގައި އާޒިމް ވިދާޅުވީ އެމްޑީޕީގެ ވެރިކަން ދޮގާއި މަކަރާއި ހީލަތުން އެމްޑީޕީގެ ތެރެއިން ބަޔަކު ނިކުމެ ވެރިކަން ވައްޓާލައި، އެމްޑީޕީގެ މެމްބަރުންނަށް ނިކަމެތި ހާލު ޖައްސާފައިވާ ކަމަށާއި، އެ ބަޔަކު މިއަދު ނިކުމެ ހަމަ އެ ޗަރުކޭސް ކުޅެގެން އެކަން ކުރުމުގެ ފުރުސަތެއް އެމްޑީޕީގެ މެންބަރުންނެއް ދެނެއް ނުދޭނެ ކަމަށެވެ.

އަދި މާލޭ ސިޓީ ކައުންސިލްގައި ދެން ވައްކަމާއި ކޮރަޕްޝަން ނުހިންގޭނެ ކަމަށާއި އެކަން ކުރި މީހުން މިއަދު ތިބީ މި ގައުމުގެ ވެރިކަމުގައި ކަމަށާއި، އެމީހުން ވެރިކަމަށް ގެނައި މީހުން ސިޓީ ކައުންސިލަށް އަންނަން މަސައްކަތް ކުރަނީ އެފަދަ ކަންކަން ވެރިކަމުގައި ތިބި މީހުންނަށް މަގުފަހިކޮށްދޭން ކަމަށެވެ.

އާދަމް އާޒިމްގެ މި ވާހަކަ ތަކާގުޅިގެން އެމްޑީޕީގެ ބައެއް ފަރާތްތަކުގެ ހިޔާލު ހުރިގޮތް އޮޅުންފިލުވާލުމުން އެފަރާތްތަކުން ބުނީ މިއަދު މަހްލޫފު ކޮބައިތޯއެވެ. އެދުވަހު އާޒިމްގެ ބަދަލުގައި މަހްލޫފަށް މެޔާރު ޓިކެޓް އެމްޑީޕީގެން ދީގެން އޭނާ މޭޔަރުކަމަށް ހޮވިނަމަ އާދަމް އާޒިމް އެދައްކާ ވާހަކަ ދައްކާނީ މަހްލޫފު ކަމަށެވެ. އަދި މިއަދު އާދަމް އާޒިމް ހުންނާނެ ކަމަށް ބޮޑަށް ބެލެވެނީ އެމްޓީސީސީ ކަހަލަ ކުންފުންޏެއްގެ މެނޭޖިންގ ޑިރެކްޓަރުގެ މަގާމުގައި ކަމަށެވެ.

މިއަދު މަހްލޫފް ކޮބާ؟ އޭނާ އެހުރީ މި ސަރުކާރުގެ ސަފީރުގެ ކަމުގަ! 

ކުރީ އިންތިހާބުގަ އާޒިމްގެ ބަދަލުގަ މަހްލޫފަށް މޭޔަރު ޓިކެޓް ދީގެން އޭނާ މޭޔަރުގެ މަގާމަށް ހޮވިނަމަ، މިއަދު އާޒިމް އެދައްކާ ވާހަކަ ދައްކާނީ މަހްލޫފް!

އާޒިމް ހުންނާނެކަމަށް ބެލެވެނީ އެމްޓީސީސީ ކަހަލަ ކުންފުންޏެއް ހިންގަން!

މާލޭ މޭޔަރުގެ ޕްރައިމަރީގެ ފޯރި ވަރަށް ގަދަވެފައިވާއިރު އާދަމް އާޒިމް އާއި އަލީ އާޒިމްގެ ކެމްޕެއިން ޓީމުންވެސް ގެންދަނީ އެއްފަރާތުން އެނެއްފަރާތަށް ތަފާތު ތުހުމަތުތައް ކުރަމުންނެވެ.

މޭޔަރ ފްރައިމަރީގެ ވޯޓްލުން މާދަމާ ފެށޭއިރު މިއަދަކީ ކެމްޕެއިންގެ އެންމެ ފަހު ދުވަހެވެ.