މިނިވަންގައުމުދެކެ ހަގީގީ ލޯބިވާ މީހަކު، ސިޔާސީގޮތުން ކުރިހޯދަން ރައްޔިތުންނަށް ދޮގެއް ނުހަދާނެކަމަށް ޕްރޮފެސްރ ހަސަން އުގެއިލް ވިދާޅުވެއްޖެއެވެ.
އޮންލައިން ނޫހަކުން ގެނެސްދީފައިވާ "ސިޔާސީ އޮއިވަރަކީ ގައުމީ ލޯބީގެ ކުރިމަތީގައި އެއްވެސް މާނައެއް ހުރި އެއ
ްޗެއް ނޫންކަމަށް ރައީސް ޑޮކްޓަރ ވިދާޅުވި ހަބަރު" ހިއްސާކުރައްވައި ޕްރޮފެޝަރ އުގެއިލްގެ އެކްސް އެކައުންޓުން ކުރެވި ޕޯސްޓެއްގައި ވިދާޅުވީ ގައުމުދެކެ ހަގިގީ ލޯބިވާ އެއްވެސް މީހަކު ނުވަތަ ބަޔަކު ސިޔާސީގޮތުން ވިއަސް ނުވަތަ އެެހެން ގޮަތަކުން ވިއަސް ކުރި ހޯދުމަށް އާންމު ފަރުދުން ކުރިމަތީ ދޮގުހެދުމާއި އޮޅުވާލުން އިސްނުކުރާނެ ކަމަށެވެ.
ގައުމުދެކެ ހަގިގީ ލޯބިވާ އެއްވެސް މީހަކު ނުވަތަ ބަޔަކު ސިޔާސީގޮތުން ވިއަސް ނުވަތަ އެެހެން ގޮަތަކުން ވިއަސް ކުރި ހޯދުމަށް އާންމު ފަރުދުން ކުރިމަތީ ދޮގުހެދުމާއި އޮޅުވާލުން އިސްނުކުރާނެ. އެފަދަމީހުން އެއީ ގައުމަށްވުރެ ތިމާމެންގެ އަމިއްލަ އެދުން މުހިންމުކަމަށް ދެކޭ މީހުން. https://t.co/0aErTItnGC
— Professor Ugail (@ugail) July 24, 2025
އަދި އިތުރަށް ވިދާޅުވީ އެފަދައިން ސިޔާސީ ގޮތުން ކުރި ހޯދުމަށް ދޮގުހަދާ މީހުންނަކީ ގައުމަށްވުރެ ތިމާމެންގެ އަމިއްލަ އެދުން މުހިންމުކަމަށް ދެކޭ މީހުން ކަމަށެވެ.
